ជជែក និងទស្សនាភាពយន្តខ្នាតខ្លីជាមួយ នាង កាវិច
១. «កង់បី»
ផលិតឆ្នាំ ២០១៥
ក្នុងរាត្រីមួយដ៏ស្ងប់ស្ងាត់ ណាត ដែលជាអ្នករត់ម៉ូតូកង់បី បានជួបនឹងនារីម្នាក់ដែលធ្វើឲ្យគាត់នឹកឃើញរឿងអតីត។ នៅពេលគាត់ត្រឡប់មកផ្ទះវិញ គាត់បានសារភាពប្រាប់ភរិយាគាត់ថា គាត់ចង់ផ្លាស់ទីលំនៅ។ ការសម្រេចនេះបានជំរុញឲ្យពួកគេបង្ហាញនូវការពិតមួយចំនួនដែលមិនអាចនិយាយចេញមកបានអំពីអាពាហ៍ពិពាហ៍របស់ពួកគេក្នុងរបបខ្មែរក្រហម។
២. «ដីថ្មីផ្លូវខូច»
ផលិតឆ្នាំ ២០១៨
ភ្នំពេញពេលរាត្រី។ អ្នករាំ hip-hop ក្មេងៗបីនាក់បានជិះម៉ូតូតែមួយ ហើយក៏ឈប់នៅលើផ្លូវមួយសុទ្ធតែវាលខ្សាច់។ នីកបានដើររកទូរស័ព្ទ iPhone មួយគ្រឿងដែលគេល្បីថាមានគេជ្រុះបាត់ម្ដុំនោះ។ ពិសិដ្ឋ និងធី បានជជែកគ្នាលេងពីក្តីសង្ឃឹម និងភាពភ័យខ្លាច ហើយពិសិដ្ឋក៏បានបញ្ចេញក្បាច់រាំតាម Michael Jackson។ ពេលនោះ ពួកគេក៏បានជួបនឹងលក្ខិណា ដែលជាអ្នកលក់ដូរវ័យក្មេងតាមចិញ្ចើមផ្លូវជាមួយនឹងរទេះពណ៌ចម្រុះរបស់នាង។
ចូលរួមដោយសេរី