មជ្ឈមណ្ឌលធនធានសោតទស្សន៍បុប្ផាណា
June 12, 2020
មជ្ឈមណ្ឌលយើងបើកដំណើរការជាធម្មតាឡើងវិញ
មជ្ឈមណ្ឌលបុប្ផាណាសូមជូនដំណឹងដល់សាធារណជនទាំងអស់ឲ្យបានជ្រាបថា មជ្ឈមណ្ឌលនឹងបើកទ្វារទទួលសាធារណជនឲ្យចូលមកទស្សនា និងស្រាវជ្រាវបណ្ណសារឡើងវិញ ចាប់ពីថ្ងៃចន្ទ ទី១៥ ខែមិថុនា ឆ្នាំ២០២០ វេលាម៉ោង៨ ព្រឹក តទៅ។ យ៉ាងណាមិញ ដោយសារស្ថានភាពនៃជំងឺកូវីដ-១៩ មិនទាន់ប្រសើរឡើងវិញទាំងស្រុងនៅឡើយ ហេតុនេះ ការរក្សាគម្លាត អនាម័យ និងការវាស់សីតុណ្ហភាព នៅតែជាចំណុចសំខាន់សម្រាប់យើងទាំងអស់គ្នាអនុវត្ត។
March 2, 2020
ព្រឹត្តិការណ៍វប្បធម៌នៅបុប្ផាណាក្នុងខែមីនា-មេសា ២០២០
មជ្ឈមណ្ឌលបុប្ផាណានឹងក្លាយជាម្ចាស់ផ្ទះក្នុងការរៀបចំព្រឹត្តិការណ៍វប្បធម៌ជាច្រើនក្នុងខែមីនា និងមេសា ឆ្នាំ ២០២០ នេះ។ ព្រឹត្តិការណ៍សំខាន់បំផុត គឺមហោស្រពភាពយន្តអន្តរជាតិកម្ពុជាលើកទី ១០ ដែលនឹងប្រព្រឹត្តទៅចាប់ពីថ្ងៃទី ១៣ ដល់ថ្ងៃទី ២២ ខែមីនា។ ក្រៅពីនេះ នៅមានកម្មវិធី “ភាពយន្តថ្ងៃសៅរ៍”, “ស៊ីណេក្លឹប” (កំពូលភាពយន្តខ្នាតខ្លីនៃមហោស្រពចតុមុខ ២០១៩), និងពិព័រណ៍ «ជីវិតរសាត់អណ្ដែត» របស់អង្គការនារីដើម្បីសន្តិភាព។
February 14, 2020
សកម្មភាពរយៈពេលពេញមួយឆ្នាំនៃគម្រោង “ការបន្លឺសំឡេងរបស់ស្ត្រីជនជាតិដើមភាគតិច”
សកម្មភាពពេញមួយឆ្នាំនៃការអនុវត្តគម្រោង “ការបន្លឺសំឡេងរបស់ស្ត្រីជនជាតិដើមភាគតិច និងក្រុមដែលត្រូវបានគេរើសអើង តាមរយៈពហុប្រព័ន្ធផ្សព្វផ្សាយថ្មី” បានផ្ដល់នូវបទពិសោធន៍យ៉ាងអស្ចារ្យដល់ក្រុមការងារទាំងមូល ក៏ដូចជាសិក្ខាកាម។ យើងពិតជារីករាយណាស់ក្នុងការចូលរួមបន្លឺសំឡេងរបស់ស្ត្រីជនជាតិដើមភាគតិច និងជនដែលងាយរងគ្រោះ ហើយយើងនៅតែបន្តអនុវត្តគម្រោងនេះ ធ្វើយ៉ាងណាឲ្យសំឡេងពួកគេឮកាន់តែខ្លាំង។
January 15, 2020
សេចក្តីជូនដំណឹងស្តីពីការជ្រើសរើសសិស្សចូលរៀនវគ្គបណ្តុះបណ្តាលផ្នែកផលិតភាពយន្តឯកសារ និងពហុប្រព័ន្ធផ្សព្វផ្សាយ
ដោយធ្វើសហការជាមួយ University of Bath របស់ចក្រភពអង់គ្លេស និង Elephant Livelihood Initiative Environment (ELIE, Cambodia) មជ្ឈមណ្ឌលធនធានសោតទស្សន៍បុប្ផាណា ត្រូវការជ្រើសរើសយុវជនកម្ពុជាចំនួន១២រូប ដើម្បីចូលរួមនៅក្នុងគម្រោងរបស់ The Arts and Humanities Research Council និង Global Challenges Research Fund ស្តីពី “ការអភិរក្សសត្វដំរីនិងបទពិសោធន៍របស់ជនជាតិដើមភាគតិចនៅកម្ពុជា
January 3, 2020
ដើមឆ្នាំថ្មី ២០២០ មានអ្វីប្លែកនៅបុប្ផាណា?
ប្រាកដជាមាន! យើងខ្ញុំសូមអញ្ជើញលោកអ្នកចូលរួមក្នុងព្រឹត្តិការណ៍វប្បធម៌យ៉ាងសំបូរបែបនៅមជ្ឈមណ្ឌលរបស់យើងដោយឥតគិតថ្លៃ រួមមានការបញ្ចាំងភាពយន្តរៀងរាល់ល្ងាចថ្ងៃសៅរ៍, ស៊ីណេក្លឹប (ការចែករំលែកបទពិសោធន៍ពីភាពយន្ត), ពិព័រណ៍រូបថត “អេតចាយ” របស់ Miguel Jerónimo, ការបញ្ចាំងភាពយន្តឯកសារស្ដីពីបញ្ហាក្នុងសហគមន៍ជនជាតិដើមភាគតិច និងបាឋកថាស្ដីពីប្រវត្តិសាស្ត្រកម្ពុជា ១៩៧០-១៩៧៥។ ចុចទីនេះ ដើម្បីទាញយកកម្មវិធីទាំងមូល (PDF)
October 31, 2019
ក្នុងខែវិច្ឆិកា និងធ្នូ ២០១៩ នេះ មានកម្មវិធីពិសេសអ្វីខ្លះនៅបុប្ផាណា?
នាចុងឆ្នាំ ២០១៩ នេះ លោកអ្នកអាចរីករាយជាមួយនឹងកម្មវិធីពិសេសៗជាច្រើនដែលនឹងកើតឡើងនៅមជ្ឈមណ្ឌលបុប្ផាណា និងនៅជុំវិញរាជធានីភ្នំពេញ។ យើងនឹងមានការបញ្ចាំងភាពយន្តជារៀងរាល់ថ្ងៃសៅរ៍ កម្មវិធីចែករំលែកចំណេះដឹងពីភាពយន្ត (ស៊ីណេក្លឹប) ព្រមជាមួយនឹងពិព័រណ៍រូបភាពរហូតដល់ទៅបី។ រាល់កម្មវិធីទាំងអស់ លោកអ្នកអាចចូលរួមដោយសេរី។ ចុចទីនេះ ដើម្បីទាញយកកម្មវិធីរបស់យើងជា PDF
August 30, 2019
រីករាយជាមួយព្រឹត្តិការណ៍ពិសេសៗនៅបុប្ផាណាក្នុងខែកញ្ញា និងតុលា ២០១៩
ក្នុងខែកញ្ញា និងតុលានេះ យើងខ្ញុំសូមស្វាគមន៍លោកអ្នកមកកាន់ទីនេះ ដើម្បីរីករាយជាមួយនឹងព្រឹត្តិការណ៍វប្បធម៌របស់ពួកយើង ព្រមទាំងដៃគូផងដែរ។ ព្រឹត្តិការណ៍ទាំងនោះមានដូចជា ភាពយន្តថ្ងៃសៅរ៍, ក្លឹបភាពយន្ត (ការចែករំលែកបទពិសោធន៍ពីប្លង់ថត និងភាពយន្តឯកសារ), ពិព័រណ៍ស្នាដៃសិល្បៈ, ទិវាបេតិកភណ្ឌសោតទស្សន៍ពិភពលោក, និងមហោស្រពភាពយន្តខ្នាតខ្លីចតុមុខលើកទី ៨។
July 1, 2019
ព្រឹត្តិការណ៍ដ៏សំបូរបែបនៅបុប្ផាណានាពាក់កណ្ដាលឆ្នាំនេះ
រីករាយខែថ្មីជាមួយនឹងព្រឹត្តិការណ៍វប្បធម៌ជាច្រើនដែលនឹងកើតឡើងជាបន្តបន្ទាប់នៅមជ្ឈមណ្ឌលបុប្ផាណា។ កម្មវិធីរួមមាន ភាពយន្តថ្ងៃសៅរ៍, ក្លឹបភាពយន្ត (អន្តរកម្មរវាងកំណាព្យ និងរូបភាព, ភាពយន្តខ្នាតខ្លី), ពិព័រណ៍រូបថត, បាឋកថាស្ដីពី «វិវត្តន៍អក្សរខ្មែរ», កិច្ចពិភាក្សាជុំវិញភាពយន្តរបស់លោក ប៉ាន់ រិទ្ធី និងការបញ្ចាំងភាពយន្តពិសេសរបស់លោក នាង កាវិច។ ចុចទាញយកកម្មវិធីរបស់យើងជា PDF ដើម្បីអានលម្អិត
June 4, 2019
សេចក្ដីជូនដំណឹងស្ដីពីការបើកឲ្យដំណើរការឡើងវិញនៃសាលពិគ្រោះបណ្ណសារ និងការផ្លាស់ប្ដូរម៉ោងបញ្ចាំង “ភាពយន្តថ្ងៃសៅរ៍”
មជ្ឈមណ្ឌលបុប្ផាណាសូមជម្រាបជូនដំណឹងដល់ប្រិយមិត្តទាំងអស់ឲ្យបានជ្រាបថា សាលពិគ្រោះបណ្ណសារនៃមជ្ឈមណ្ឌលយើងខ្ញុំបានដំណើរការជាប្រក្រតីវិញហើយ ក្រោយពីមជ្ឈមណ្ឌលយើងខ្ញុំបានធ្វើការកែសម្រួលប្រព័ន្ធមូលដ្ឋានទិន្នន័យរួចរាល់។ ចំណែកឯកម្មវិធី “ភាពយន្តថ្ងៃសៅរ៍” វិញ យើងនឹងផ្លាស់ប្ដូរម៉ោងបញ្ចាំងទៅម៉ោង ៥ ល្ងាចដូចធម្មតាវិញ ចាប់ពីថ្ងៃសៅរ៍ ទី ៨ ខែមិថុនានេះតទៅ។
May 11, 2019
ព្រឹត្តិការណ៍វប្បធម៌នៅបុប្ផាណា សម្រាប់ខែឧសភា និងមិថុនា ២០១៩
សូមស្វាគមន៍អស់លោកអ្នកមកកាន់មជ្ឈមណ្ឌលបុប្ផាណា! លោកអ្នកអាចចូលរួមដោយសេរីនូវព្រឹត្តិការណ៍វប្បធម៌នានាដែលនឹងកើតឡើងនៅក្នុងខែឧសភា និងមិថុនានេះ ដែលមានដូចជា ៖ ភាពយន្តថ្ងៃសៅរ៍ (ភាពយន្តឯកសារ និងប្រតិដ្ឋ) ក្លឹបភាពយន្ត (ភាពយន្តខ្នាតខ្លី) ពិព័រណ៍ស្នាដៃសិល្បៈ គំនូរ និងចម្លាក់ ពិធីសម្ពោធសៀវភៅ និងការបញ្ចាំងភាពយន្តពិសេសនៃគម្រោង «ការបន្លឺសំឡេងរបស់ស្ត្រីជនជាតិដើមភាគតិច និងក្រុមមនុស្សដែលត្រូវបានគេរើសអើង»។
