avatar

November 23, 2020

មជ្ឈមណ្ឌលបុប្ផាណាបើកដំណើរការជាធម្មតាឡើងវិញ

មជ្ឈមណ្ឌល​បុប្ផាណា​មាន​សេចក្ដី​រីករាយ​នឹង​ជូនដំណឹង​ដល់​សាធារណជន​ថា មជ្ឈមណ្ឌល​បុប្ផាណា​ចាប់​បើកដំណើរការ​ជា​ធម្មតា​ឡើងវិញហើយ​ចាប់ពី​ពេល​ផ្សាយ​ដំណឹង​នេះ​តទៅ ដោយ​យោង​លិខិត​លេខ ២៣០ សខល ចុះ​ថ្ងៃទី​១៨ ខែ​វិច្ឆិកា ឆ្នាំ២០២០ របស់​ក្រសួង​សុខាភិបាល ស្ដីពី​ការអនុញ្ញាត​បើកដំណើរការ​ឡើងវិញ​នូវ​រោងភាពយន្ត និង​សារមន្ទីរ​ទូទាំង​ប្រទេស។ សូម​បញ្ជាក់ថា មជ្ឈមណ្ឌល​យើងខ្ញុំ​បើកដំណើរការ​តែ​សាល​ពិគ្រោះបណ្ណសារ (ជាន់ទី១) និង​សាលពិព័រណ៍ (ជាន់​ផ្ទាល់ដី) ប៉ុណ្ណោះ។

avatar

November 10, 2020

មជ្ឈមណ្ឌលបុប្ផាណាបិទទ្វារមួយរយៈ

មជ្ឈមណ្ឌលបុប្ផាណាសូមជម្រាបជូនដំណឹងដល់សាធារណជនឱ្យបានជ្រាបថា មជ្ឈមណ្ឌលបុប្ផាណានឹងផ្អាកដំណើរការមួយរយៈក្នុងស្ថានភាពជំងឺកូវីដ-១៩ កំពុងរីករាលដាលជាសកល ដោយយោងទៅតាមលិខិតចេញដោយក្រសួងសុខាភិបាល លេខ ២២៣ សខល ចុះថ្ងៃទី៨ ខែវិច្ឆិកា ឆ្នាំ២០២០។ មជ្ឈមណ្ឌលបុប្ផាណានឹងជូនដំណឹងជាថ្មីម្ដងទៀតនៅពេលស្ថានភាពធូរស្បើយ។ សូមអរគុណ។

avatar

ទស្សនាភាពយន្តឯកសាររបស់យើងនៅ Biennale of Sydney លើកទី ២២

សូមរីករាយទស្សនាភាពយន្តឯកសារទាំង ៧ រឿងដែលផលិតដោយយុវជនជនជាតិដើមភាគតិចដែលមកពីខេត្តរតនគិរី មណ្ឌលគិរី និងបន្ទាយមានជ័យ ក្រោមគម្រោង “ការបន្លឺសំឡេងរបស់ស្ត្រីជនជាតិដើមភាគតិច និងក្រុមដែលត្រូវបានគេរើសអើង តាមរយៈពហុប្រព័ន្ធផ្សព្វផ្សាយថ្មី” នៅក្នុងព្រឹត្តិការណ៍ Biennale of Sydney លើកទី ២២ (១០-១៥ វិច្ឆិកា ២០២០) នៅ Australian Centre for Contemporary Art (ACCA)។

avatar

October 12, 2020

“ឌុច គ្រូលត់ដំនៅឋាននរក” កំពុងបញ្ចាំងនៅរោងភាពយន្ត Major Cineplex Cambodia

ខ្សែភាពយន្តឯកសារ “ឌុច គ្រូលត់ដំនៅឋាននរក” ដែលទស្សនិកជនជាច្រើនកំពុងទន្ទឹងរង់ចាំទស្សនា ពេលនេះកំពុងបង្ហាញខ្លួនសាជាថ្មីនៅលើផ្ទាំងបញ្ចាំងដ៏ធំនៃរោងភាពយន្ត Major Cineplex Cambodia ទាំង ៣ ទីតាំង ក្នុងរាជធានីភ្នំពេញ (Major អ៊ីអន ១, Major អ៊ីអន ២, Major សុរិយា) នៅថ្ងៃទី ១២, ១៣, ១៤, ១៩, ២០ និង ២១ ខែតុលា ឆ្នាំ ២០២០។

avatar

September 30, 2020

ភាពយន្តឯកសាររបស់បុប្ផាណានៅក្នុងមហោស្រពភាពយន្ត New Narratives ២០២០

ភាពយន្តឯកសារ ៦ រឿងផលិតដោយយុវជនជនជាតិដើមភាគតិចមកពីខេត្តរតនគិរី មណ្ឌលគិរី និងបន្ទាយមានជ័យ ក្នុងគម្រោង “ការបន្លឺសំឡេងរបស់ស្ត្រីជនជាតិដើមភាគតិច និងក្រុមដែលត្រូវបានគេរើសអើង” នឹងចាក់បញ្ចាំងនៅក្នុងមហោស្រពភាពយន្ត New Narratives ២០២០ ដែលនឹងប្រព្រឹត្តទៅនៅទីក្រុងតៃប៉ិ ចាប់ពីថ្ងៃទី ២ ដល់ថ្ងៃទី ១១ ខែតុលា ឆ្នាំ ២០២០។

avatar

September 10, 2020

ភាពយន្តឯកសារទាំង ៩ របស់បុប្ផាណាក្នុងមហោស្រពភាពយន្តនៃទីក្រុងខ្មែរលើកទី ៨

យើងមានសោមនស្សបំផុតដែលខ្សែភាពយន្តឯកសារចំនួន ៩ រឿងក្នុងគម្រោង “ការបន្លឺសំឡេងរបស់ស្ត្រីជនជាតិដើមភាគតិច និងក្រុមដែលត្រូវបានគេរើសអើង” ត្រូវបានជ្រើសរើសឲ្យមានវត្តមានក្នុងមហោស្រពភាពយន្តនៃទីក្រុងខ្មែរលើកទី ៨ (១៦-២០ កញ្ញា ២០២០) នាទីក្រុងឡុងប៊ិច រដ្ឋកាលីហ្វ័រញ៉ា សហរដ្ឋអាមេរិក។ សូមចូលរួមអបអរសាទរដល់សមិទ្ធករវ័យក្មេងទាំងអស់!

avatar

June 12, 2020

មជ្ឈមណ្ឌលយើងបើកដំណើរការជាធម្មតាឡើងវិញ

មជ្ឈមណ្ឌល​បុប្ផាណា​សូមជូន​ដំណឹង​ដល់​សាធារណជន​ទាំងអស់​ឲ្យបាន​ជ្រាបថា មជ្ឈមណ្ឌល​នឹង​បើកទ្វារ​ទទួល​សាធារណជន​ឲ្យចូលមក​ទស្សនា និង​ស្រាវជ្រាវ​បណ្ណសារ​​ឡើងវិញ ចាប់ពី​ថ្ងៃចន្ទ ទី១៥ ខែមិថុនា ឆ្នាំ២០២០ វេលា​ម៉ោង៨ ព្រឹក តទៅ។ យ៉ាងណាមិញ ដោយសារ​ស្ថានភាព​នៃ​ជំងឺ​កូវីដ-១៩ មិនទាន់​ប្រសើរ​ឡើងវិញ​ទាំងស្រុង​នៅឡើយ ហេតុនេះ ការរក្សា​គម្លាត អនាម័យ និងការវាស់​សីតុណ្ហភាព នៅតែជាចំណុចសំខាន់សម្រាប់យើងទាំងអស់គ្នាអនុវត្ត។

avatar

March 2, 2020

ព្រឹត្តិការណ៍​វប្បធម៌​នៅ​បុប្ផាណា​ក្នុង​ខែ​មីនា​-​មេសា ២០២០

មជ្ឈមណ្ឌល​បុប្ផាណា​នឹង​ក្លាយជា​ម្ចាស់ផ្ទះ​ក្នុង​ការរៀបចំ​ព្រឹត្តិការណ៍​វប្បធម៌​ជាច្រើន​ក្នុង​ខែ​មីនា និង​មេសា ឆ្នាំ ២០២០ នេះ។ ព្រឹត្តិការណ៍​សំខាន់​បំផុត គឺ​មហោស្រព​ភាពយន្ត​អន្តរជាតិ​កម្ពុជា​លើកទី ១០ ដែល​នឹង​ប្រព្រឹត្ត​ទៅ​ចាប់ពី​ថ្ងៃទី ១៣ ដល់ថ្ងៃទី ២២ ខែមីនា។ ក្រៅពីនេះ នៅមាន​កម្មវិធី “ភាពយន្ត​ថ្ងៃសៅរ៍”, “ស៊ីណេ​ក្លឹប” (កំពូល​ភាពយន្ត​ខ្នាតខ្លី​នៃ​មហោស្រព​ចតុមុខ ២០១៩), និង​ពិព័រណ៍ «ជីវិត​រសាត់​អណ្ដែត» របស់​អង្គការ​នារី​ដើម្បី​សន្តិភាព។

avatar

February 14, 2020

សកម្មភាពរយៈពេលពេញមួយឆ្នាំនៃគម្រោង “ការបន្លឺសំឡេងរបស់ស្ត្រីជនជាតិដើមភាគតិច”

សកម្មភាពពេញមួយឆ្នាំនៃការអនុវត្តគម្រោង “ការបន្លឺសំឡេងរបស់ស្ត្រីជនជាតិដើមភាគតិច និងក្រុមដែលត្រូវបានគេរើសអើង តាមរយៈពហុប្រព័ន្ធផ្សព្វផ្សាយថ្មី” បានផ្ដល់នូវបទពិសោធន៍យ៉ាងអស្ចារ្យដល់ក្រុមការងារទាំងមូល ក៏ដូចជាសិក្ខាកាម។ យើងពិតជារីករាយណាស់ក្នុងការចូលរួមបន្លឺសំឡេងរបស់ស្ត្រីជនជាតិដើមភាគតិច និងជនដែលងាយរងគ្រោះ ហើយយើងនៅតែបន្តអនុវត្តគម្រោងនេះ ធ្វើយ៉ាងណាឲ្យសំឡេងពួកគេឮកាន់តែខ្លាំង។​

avatar

January 15, 2020

សេចក្តី​ជូន​ដំណឹង​ស្តីពី​ការជ្រើសរើស​សិស្ស​ចូល​រៀន​វគ្គ​បណ្តុះបណ្តាល​ផ្នែក​ផលិត​ភាពយន្ត​ឯកសារ​ និង​ពហុ​ប្រព័ន្ធ​ផ្សព្វផ្សាយ​

ដោយ​ធ្វើ​សហការ​ជាមួយ​ University of Bath របស់​ចក្រភព​អង់គ្លេស​ និង Elephant Livelihood Initiative Environment (ELIE, Cambodia) មជ្ឈមណ្ឌល​ធនធាន​សោតទស្សន៍​បុប្ផាណា​ ត្រូវការ​ជ្រើសរើស​យុវជន​កម្ពុជា​ចំនួន​១២​រូប ដើម្បី​ចូលរួម​នៅក្នុង​គម្រោង​របស់​ The Arts and Humanities Research Council និង Global Challenges Research Fund ស្តីពី “ការ​អភិរក្ស​សត្វ​ដំរី​និង​បទពិសោធន៍​របស់​ជនជាតិ​ដើម​ភាគតិច​នៅ​កម្ពុជា​