មជ្ឈមណ្ឌលធនធានសោតទស្សន៍បុប្ផាណា
May 28, 2021
មជ្ឈមណ្ឌលបុប្ផាណាសូមអបអរសាទរដល់សមិទ្ធិករភាពយន្តវ័យក្មេងទាំង៥រូប គឺកញ្ញា ជួន សុភាណា, កញ្ញា ម៉ិច ជូឡាយ, លោក យ៉ាំ សុភ័ក្ត្រ, លោក មាន សុចិត្រា និងលោក ឈាន ពិសេន អតីតសិក្ខាកាមនៅក្នុងវគ្គបណ្តុះបណ្តាលផ្នែកផលិតភាពយន្តឯកសារនិងពហុប្រព័ន្ធផ្សព្វផ្សាយនៃមជ្ឈមណ្ឌលបុប្ផាណា ដែលភាពយន្តរបស់ពួកគេរឿង “ជម្រកខ្ញុំ” ត្រូវបានជ្រើសរើសជា “ភាពយន្តដែលនិយាយពីបរិស្ថានល្អបំផុត”
April 13, 2021
មជ្ឈមណ្ឌលបុប្ផាណាសូមជូនពរឆ្នាំថ្មី និងសូមឱ្យលោកអ្នកមានជ័យជម្នះលើជំងឺតម្កាត់ទាំងពួង ជាពិសេសគឺជំងឺកូវីដ-១៩ ដែលកំពុងរីករាលដាលក្នុងប្រទេសកម្ពុជា។ សូមកុំភ្លេចអនុវត្តវិធានការ “៣កុំ ៣ការពារ” ឱ្យបានហ្មត់ចត់ដើម្បីសុវត្ថិភាពលោកអ្នក ក្រុមគ្រួសារ និងមនុស្សជាទីស្រលាញ់។ សូមស្នាក់នៅផ្ទះ និងរីករាយជាមួយកម្មវិធីបញ្ចាំងភាពយន្ត Online របស់យើងដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ។
March 23, 2021
មជ្ឈមណ្ឌលបុប្ផាណាមានសេចក្ដីរីករាយណាស់ដែលភាពយន្តឯកសារចំនួនបីរឿងផលិតដោយសិក្ខាកាមផ្នែកផលិតភាពយន្តរបស់បុប្ផាណា ត្រូវបានជ្រើសរើស និងយកទៅបង្ហាញនៅក្នុងព្រឹត្តិការណ៍ AAS 2021 Film Expo នៅសហរដ្ឋអាមេរិក ចាប់ពីថ្ងៃទី២១ ដល់ថ្ងៃទី២៦ ខែមីនា ឆ្នាំ២០២១ ហើយព្រឹត្តិការណ៍ក្នុងឆ្នាំនេះត្រូវបានរៀបចំឡើងជាលក្ខណៈ Online។
March 15, 2021
មជ្ឈមណ្ឌលបុប្ផាណាជាស្ថាប័នឈានមុខគេផ្នែកអភិរក្សបណ្ណសារសោតទស្សន៍នៅកម្ពុជា។ បច្ចុប្បន្ននេះ បណ្ណសារសោតទស្សន៍យ៉ាងច្រើនសន្ធឹកសន្ធាប់កំពុងត្រូវបានធ្វើការសង្គ្រោះ ជួសជុល និងអភិរក្សដោយយកចិត្តទុកដាក់បំផុត។ ដូច្នេះ ប្រសិនបើអស់លោក លោកស្រី មានសេសសល់នូវបណ្ណសារចាស់ៗដូចជា ថាសចម្រៀង ហ្វីល រូបថត កាស្សែតវីដេអូ កាស្សែតចម្រៀង ជាដើម សូមមេត្តាចូលរួមបរិច្ចាគមកកាន់មជ្ឈមណ្ឌលបុប្ផាណាតាមរយៈ ៖
February 23, 2021
ដោយមើលឃើញពីវិបត្តិកូវីដ-១៩ និងដោយគោរពទៅតាមសេចក្ដីជូនដំណឹងលេខ ២៧ ស.ជ.ណ. របស់ក្រសួងវប្បធម៌ និងវិចិត្រសិល្បៈ មជ្ឈមណ្ឌលបុប្ផាណាសូមផ្អាកសកម្មភាពជាមួយសាធារណជនចំនួន២សប្ដាហ៍ និងកែប្រែកម្មវិធីមួយចំនួនដែលបានគ្រោងទុកដោយលើកទៅពេលក្រោយ។ សូមអស់លោក លោកស្រី មេត្តាជ្រាបជាព័ត៌មាន និងបន្តតាមដានការផ្សព្វផ្សាយរបស់យើងដែលនឹងមានជាបន្ដបន្ទាប់។ សូមអរគុណ!
February 2, 2021
សូមស្វាគមន៍ប្រិយមិត្តសាជាថ្មីមកកាន់រោងភាពយន្តនៃមជ្ឈមណ្ឌលបុប្ផាណា! ចាប់ពីសប្ដាហ៍នេះតទៅ ប្រិយមិត្តអាចអញ្ជើញមកទស្សនាភាពយន្តនៅក្នុងរោងភាពយន្តដ៏មានផាសុកភាពរបស់យើងបាន! ការបញ្ចាំងភាពយន្តនានា រួមមាន ភាពយន្តថ្ងៃសៅរ៍ ស៊ីណេក្លឹប ភាពយន្តពិសេស ក៏ដូចជា សិក្ខាសាលា បាឋកថា ក៏នឹងត្រឡប់មកកាន់រោងភាពយន្តរបស់យើងវិញដូចគ្នាដែរ! យ៉ាងណាមិញ ក៏សូមកុំភ្លេចកម្មវិធីភាពយន្តថ្ងៃសោរ៍ Online របស់យើងណា៎!
January 4, 2021
មជ្ឈមណ្ឌលបុប្ផាណាមានសេចក្ដីរីករាយនឹងជម្រាបដំណឹងថា មជ្ឈមណ្ឌលយើងខ្ញុំចាប់បើកដំណើរការជាធម្មតាឡើងវិញហើយចាប់ពីថ្ងៃនេះតទៅ។ យើងនឹងបើកដំណើរការសាលពិគ្រោះបណ្ណសារនៅជាន់ទី១ និងសាលពិព័រណ៍នៅជាន់ផ្ទាល់ដី។ ចំណែករោងភាពយន្ត យើងខ្ញុំនឹងជូនដំណឹងបន្តទៀតនាពេលក្រោយ។ សម្រាប់សាលពិគ្រោះបណ្ណសារ យើងខ្ញុំអាចទទួលសាធារណជនឱ្យចូលមកកាន់សាលនេះបានត្រឹមតែបីនាក់ប៉ុណ្ណោះក្នុងមួយលើក។ ដើម្បីជាភាពងាយស្រួល និងចៀសវាងការខកខាន សូមផ្ញើសារមកកាន់យើងខ្ញុំជាមុន
December 30, 2020
Dear friends, This year has been incredibly challenging for all of us, and we want to thank all of our friends and supporters who believe in our mission to document Cambodian culture and train the next generation’s filmmakers. In addition to the generosity of the individual donors who have helped us thrive in this difficult […]
December 4, 2020
ដោយមើលឃើញថាស្ថានភាពជំងឺកូវីដ-១៩ នៅកម្ពុជាមិនទាន់ល្អប្រសើរនៅឡើយ អាស្រ័យហេតុនេះ មជ្ឈមណ្ឌលបុប្ផាណានឹងផ្អាកដំណើរការមួយរយៈសិន លុះត្រាតែស្ថានភាពមានលក្ខណៈល្អប្រសើរជាងនេះ នោះយើងខ្ញុំនឹងជូនដំណឹងទៅលោកអ្នកបន្តទៀត។ ទោះជាយ៉ាងនេះក្ដី លោកអ្នកនៅតែអាចបន្តតាមដានកម្មវិធីរបស់យើងខ្ញុំជាលក្ខណៈ Online និងជាពិសេស សូមប្រកាន់ឱ្យហ្មត់ចត់បំផុតនូវគោលការណ៍សុវត្ថិភាពដើម្បីចៀសឆ្ងាយពីជំងឺកូវីដ-១៩។ ដោយក្ដីគោរព។
December 2, 2020
មជ្ឈមណ្ឌលបុប្ផាណាសូមជម្រាបជូនដំណឹងដល់សាធារណជនឱ្យបានជ្រាបថា សាលពិគ្រោះបណ្ណសារនៃមជ្ឈមណ្ឌលបុប្ផាណានៅដំណើរការជាធម្មតា។ យ៉ាងណាមិញ យើងខ្ញុំអាចទទួលសាធារណជនឱ្យចូលមកកាន់សាលនេះបានត្រឹមតែបីនាក់ប៉ុណ្ណោះក្នុងមួយលើក។ ដើម្បីជាភាពងាយស្រួល និងចៀសវាងការខកខាន សូមផ្ញើសារមកកាន់យើងខ្ញុំជាមុន (តាមរយៈ Facebook Page: Bophana Center) ឬក៏ទាក់ទងតាមរយៈលេខទូរស័ព្ទ ០២៣ ៩៩ ២១ ៧៤ នោះយើងខ្ញុំនឹងអាចធានាកន្លែងជូនលោកអ្នកបាន។