មជ្ឈមណ្ឌលធនធានសោតទស្សន៍បុប្ផាណា
January 3, 2020
ដើមឆ្នាំថ្មី ២០២០ មានអ្វីប្លែកនៅបុប្ផាណា?
ប្រាកដជាមាន! យើងខ្ញុំសូមអញ្ជើញលោកអ្នកចូលរួមក្នុងព្រឹត្តិការណ៍វប្បធម៌យ៉ាងសំបូរបែបនៅមជ្ឈមណ្ឌលរបស់យើងដោយឥតគិតថ្លៃ រួមមានការបញ្ចាំងភាពយន្តរៀងរាល់ល្ងាចថ្ងៃសៅរ៍, ស៊ីណេក្លឹប (ការចែករំលែកបទពិសោធន៍ពីភាពយន្ត), ពិព័រណ៍រូបថត “អេតចាយ” របស់ Miguel Jerónimo, ការបញ្ចាំងភាពយន្តឯកសារស្ដីពីបញ្ហាក្នុងសហគមន៍ជនជាតិដើមភាគតិច និងបាឋកថាស្ដីពីប្រវត្តិសាស្ត្រកម្ពុជា ១៩៧០-១៩៧៥។ ចុចទីនេះ ដើម្បីទាញយកកម្មវិធីទាំងមូល (PDF)
October 31, 2019
ក្នុងខែវិច្ឆិកា និងធ្នូ ២០១៩ នេះ មានកម្មវិធីពិសេសអ្វីខ្លះនៅបុប្ផាណា?
នាចុងឆ្នាំ ២០១៩ នេះ លោកអ្នកអាចរីករាយជាមួយនឹងកម្មវិធីពិសេសៗជាច្រើនដែលនឹងកើតឡើងនៅមជ្ឈមណ្ឌលបុប្ផាណា និងនៅជុំវិញរាជធានីភ្នំពេញ។ យើងនឹងមានការបញ្ចាំងភាពយន្តជារៀងរាល់ថ្ងៃសៅរ៍ កម្មវិធីចែករំលែកចំណេះដឹងពីភាពយន្ត (ស៊ីណេក្លឹប) ព្រមជាមួយនឹងពិព័រណ៍រូបភាពរហូតដល់ទៅបី។ រាល់កម្មវិធីទាំងអស់ លោកអ្នកអាចចូលរួមដោយសេរី។ ចុចទីនេះ ដើម្បីទាញយកកម្មវិធីរបស់យើងជា PDF
August 30, 2019
រីករាយជាមួយព្រឹត្តិការណ៍ពិសេសៗនៅបុប្ផាណាក្នុងខែកញ្ញា និងតុលា ២០១៩
ក្នុងខែកញ្ញា និងតុលានេះ យើងខ្ញុំសូមស្វាគមន៍លោកអ្នកមកកាន់ទីនេះ ដើម្បីរីករាយជាមួយនឹងព្រឹត្តិការណ៍វប្បធម៌របស់ពួកយើង ព្រមទាំងដៃគូផងដែរ។ ព្រឹត្តិការណ៍ទាំងនោះមានដូចជា ភាពយន្តថ្ងៃសៅរ៍, ក្លឹបភាពយន្ត (ការចែករំលែកបទពិសោធន៍ពីប្លង់ថត និងភាពយន្តឯកសារ), ពិព័រណ៍ស្នាដៃសិល្បៈ, ទិវាបេតិកភណ្ឌសោតទស្សន៍ពិភពលោក, និងមហោស្រពភាពយន្តខ្នាតខ្លីចតុមុខលើកទី ៨។
July 1, 2019
ព្រឹត្តិការណ៍ដ៏សំបូរបែបនៅបុប្ផាណានាពាក់កណ្ដាលឆ្នាំនេះ
រីករាយខែថ្មីជាមួយនឹងព្រឹត្តិការណ៍វប្បធម៌ជាច្រើនដែលនឹងកើតឡើងជាបន្តបន្ទាប់នៅមជ្ឈមណ្ឌលបុប្ផាណា។ កម្មវិធីរួមមាន ភាពយន្តថ្ងៃសៅរ៍, ក្លឹបភាពយន្ត (អន្តរកម្មរវាងកំណាព្យ និងរូបភាព, ភាពយន្តខ្នាតខ្លី), ពិព័រណ៍រូបថត, បាឋកថាស្ដីពី «វិវត្តន៍អក្សរខ្មែរ», កិច្ចពិភាក្សាជុំវិញភាពយន្តរបស់លោក ប៉ាន់ រិទ្ធី និងការបញ្ចាំងភាពយន្តពិសេសរបស់លោក នាង កាវិច។ ចុចទាញយកកម្មវិធីរបស់យើងជា PDF ដើម្បីអានលម្អិត
June 4, 2019
សេចក្ដីជូនដំណឹងស្ដីពីការបើកឲ្យដំណើរការឡើងវិញនៃសាលពិគ្រោះបណ្ណសារ និងការផ្លាស់ប្ដូរម៉ោងបញ្ចាំង “ភាពយន្តថ្ងៃសៅរ៍”
មជ្ឈមណ្ឌលបុប្ផាណាសូមជម្រាបជូនដំណឹងដល់ប្រិយមិត្តទាំងអស់ឲ្យបានជ្រាបថា សាលពិគ្រោះបណ្ណសារនៃមជ្ឈមណ្ឌលយើងខ្ញុំបានដំណើរការជាប្រក្រតីវិញហើយ ក្រោយពីមជ្ឈមណ្ឌលយើងខ្ញុំបានធ្វើការកែសម្រួលប្រព័ន្ធមូលដ្ឋានទិន្នន័យរួចរាល់។ ចំណែកឯកម្មវិធី “ភាពយន្តថ្ងៃសៅរ៍” វិញ យើងនឹងផ្លាស់ប្ដូរម៉ោងបញ្ចាំងទៅម៉ោង ៥ ល្ងាចដូចធម្មតាវិញ ចាប់ពីថ្ងៃសៅរ៍ ទី ៨ ខែមិថុនានេះតទៅ។
May 11, 2019
ព្រឹត្តិការណ៍វប្បធម៌នៅបុប្ផាណា សម្រាប់ខែឧសភា និងមិថុនា ២០១៩
សូមស្វាគមន៍អស់លោកអ្នកមកកាន់មជ្ឈមណ្ឌលបុប្ផាណា! លោកអ្នកអាចចូលរួមដោយសេរីនូវព្រឹត្តិការណ៍វប្បធម៌នានាដែលនឹងកើតឡើងនៅក្នុងខែឧសភា និងមិថុនានេះ ដែលមានដូចជា ៖ ភាពយន្តថ្ងៃសៅរ៍ (ភាពយន្តឯកសារ និងប្រតិដ្ឋ) ក្លឹបភាពយន្ត (ភាពយន្តខ្នាតខ្លី) ពិព័រណ៍ស្នាដៃសិល្បៈ គំនូរ និងចម្លាក់ ពិធីសម្ពោធសៀវភៅ និងការបញ្ចាំងភាពយន្តពិសេសនៃគម្រោង «ការបន្លឺសំឡេងរបស់ស្ត្រីជនជាតិដើមភាគតិច និងក្រុមមនុស្សដែលត្រូវបានគេរើសអើង»។
April 10, 2019
សេចក្ដីជូនដំណឹងស្ដីពីការផ្អាកដំណើរការសាលពិគ្រោះបណ្ណសារនៃមជ្ឈមណ្ឌលបុប្ផាណា
មជ្ឈមណ្ឌលបុប្ផាណាសូមជម្រាបជូនដំណឹងដល់ប្រិយមិត្តទាំងអស់ឲ្យបានជ្រាបថា សាលពិគ្រោះបណ្ណសារនៃមជ្ឈមណ្ឌលបុប្ផាណាយើងខ្ញុំ នឹងផ្អាកដំណើរការមួយរយៈ រហូតដល់ចុងខែឧសភា ឆ្នាំ ២០១៩ ដោយសារមជ្ឈមណ្ឌលត្រូវកែសម្រួលប្រព័ន្ធមូលដ្ឋានទិន្នន័យ។ ដោយឡែក សម្រាប់បណ្ណាល័យសៀវភៅ សាលពិព័រណ៍នៅជាន់ផ្ទាល់ដី និងការបញ្ចាំងភាពយន្ត នៅដំណើរការជាធម្មតា។
March 22, 2019
សេចក្ដីជូនដំណឹងស្ដីពីការផ្លាស់ប្ដូរម៉ោងបញ្ចាំង “ភាពយន្តថ្ងៃសៅរ៍”
មជ្ឈមណ្ឌលបុប្ផាណាសូមជម្រាបជូនដំណឹងដល់ប្រិយមិត្តទាំងអស់ឲ្យបានជ្រាបថា កម្មវិធី «ភាពយន្តថ្ងៃសៅរ៍» ដែលជាកម្មវិធីបញ្ចាំងភាពយន្តប្រចាំសប្ដាហ៍ នឹងត្រូវផ្លាស់ប្ដូរម៉ោងចាក់បញ្ចាំង ពីម៉ោង ៥ ល្ងាច ទៅម៉ោង ៦ ល្ងាចវិញ ដោយសារបញ្ហាអគ្គិសនី។ អាស្រ័យហេតុនេះ សូមប្រិយមិត្តរបស់មជ្ឈមណ្ឌលបុប្ផាណាទាំងអស់មេត្តាជ្រាបជាព័ត៌មាន និងសូមជួយចែករំលែកព័ត៌មាននេះឲ្យបានគ្រប់ៗគ្នា។ សូមអរគុណ។
March 1, 2019
ព្រឹត្តិការណ៍នៅបុប្ផាណា សម្រាប់ខែមីនា និងមេសា ២០១៩
សូមរីករាយជាមួយនឹងព្រឹត្តិការណ៍វប្បធម៌ដ៏សំបូរបែបក្នុងរយៈពេល ២ ខែនេះ នៅឯមជ្ឈមណ្ឌលបុប្ផាណា។ កម្មវិធីពិសេសៗមានដូចជា ភាពយន្តថ្ងៃសៅរ៍ (ភាពយន្តប្រតិដ្ឋ និងភាពយន្តឯកសារ), ក្លឹបភាពយន្ត (ភាពយន្តបែបសិល្បៈ និងភាពយន្តខ្នាតខ្លី), មហោស្រពភាពយន្តអន្តរជាតិកម្ពុជាលើកទី ៩, ពិព័រណ៍គំនូរ «៤ ទសវត្សរ៍ក្រោយការដួលរលំនៃរបបខ្មែរក្រហម» របស់សិល្បករ សាំង ណាន និងពិព័រណ៍ខួបគម្រប់លេខទី ១០០ នៃទស្សនាវដ្ដីញញឹម។
February 1, 2019
សេចក្ដីប្រកាសព័ត៌មាន ស្ដីពីពិធីសម្ពោធវគ្គបណ្តុះបណ្តាលផ្នែកផលិតភាពយន្តឯកសារ និងពហុប្រព័ន្ធផ្សព្វផ្សាយ
វគ្គបណ្តុះបណ្តាលផ្នែកផលិតភាពយន្តឯកសារ និងពហុប្រព័ន្ធផ្សព្វផ្សាយ របស់គម្រោង «ការបន្លឺសំឡេងរបស់ស្ត្រីជនជាតិដើមភាគតិច និងក្រុមមនុស្សដែលត្រូវបានគេរើសអើង តាមរយៈពហុប្រព័ន្ធផ្សព្វផ្សាយថ្មី» ត្រូវបានផ្តួចផ្តើមគំនិត និងរៀបចំឡើងដោយសមាគមផលិតស្រាវជ្រាវតម្កល់ឯកសារសោតទស្សន៍ (មជ្ឈមណ្ឌលបុប្ផាណា)
