មជ្ឈមណ្ឌលបុប្ផាណា ក៏ដូចជាក្រុមការងាររបស់មហោស្រពភាពយន្តសូមថ្លែងអំណរគុណយ៉ាងជ្រាលជ្រៅចំពោះវត្តមានដ៏ខ្ពង់ខ្ពស់របស់លោកជំទាវបណ្ឌិតសភាចារ្យរដ្ឋមន្ត្រីក្រសួងវប្បធម៌ និងវិចិត្រសិល្បៈ លោកជំទាវបណ្ឌិត អគ្គទេសាភិបាលធនាគារជាតិនៃកម្ពុជា ម្ចាស់ជំនួយ ឯកអគ្គរដ្ឋទូត អង្គការជាតិ និងអន្តរជាតិ ក្រុមគ្រួសាររបស់លោក ស៊ីន ស៊ីសាមុត សិល្បករ សិល្បការី ព្រមទាំងភ្ញៀវកិត្តិយសទាំងអស់សម្រាប់ការចូលរួមនៅក្នុងព្រឹត្តិការណ៍ដ៏គួរឱ្យចងចាំមួយនេះ។

នៅឆ្នាំនេះ មហោស្រពភាពយន្តអន្តរជាតិកម្ពុជាលើកទី១៣ បានពាំនាំនូវខ្សែភាពយន្តចំនួន ១៥៣ រឿង ដែលក្នុងនោះមានភាពយន្តខ្មែរចំនួន ៤៨ រឿង មានទាំងភាពយន្តខ្នាតខ្លី និងវែង មកពី៤១ ប្រទេសជុំវិញពិភពលោក។ សូមគោរពអញ្ជើញទស្សនាខ្សែភាពយន្តនេះដោយសេរីចាប់ពីថ្ងៃទី២៦ ដល់ថ្ងៃទី ៣០ ខែមិថុនា នៅតាមរោងភាពយន្តនានានៅក្នុងរាជធានីភ្នំពេញ ដោយសេចក្តីសោមនស្ស និងរីករាយ។