មជ្ឈមណ្ឌលធនធានសោតទស្សន៍បុប្ផាណា
ការបញ្ចាំងភាពយន្តចល័ត
យើងបានចាប់ផ្ដើមបញ្ចាំងភាពយន្តចល័តនៅតាមបណ្ដាខេត្តនានាក្នុងប្រទេសកម្ពុជាក្នុងឆ្នាំ ២០០៨ ដើម្បីធ្វើឱ្យអ្នកដែលមិនទាន់មានឱកាស បានទស្សនាឯកសារដ៏គួរឱ្យចងចាំទាំងនេះ។ ការបញ្ចាំងភាពយន្តត្រូវបានរៀបចំឡើងជាទូទៅនៅក្នុងភូមិ ក្នុងទីធ្លាសាលារៀន ឬវត្តអារាម ដើម្បីទាក់ទាញអ្នកភូមិគ្រប់វ័យទាំងអស់។ ការជ្រើសរើសភាពយន្តធ្វើឡើងដោយដៃគូសហការរបស់យើង និងជាមួយសហគមន៍ផ្ទាល់ ហើយការបញ្ចាំងភាពយន្ត គឺធ្វើឡើងរយៈពេលច្រើនម៉ោង។ ក្នុងឆ្នាំ ២០១៣ ប្រជាជនលើសពី ២៣០០០ នាក់ បានចូលរួមទស្សនាការបញ្ចាំងភាពយន្តចល័តនេះ។
