កម្មវិធី

ការបញ្ចាំងភាពយន្ត

8
October

ព្រះរាជដំណើរទស្សនកិច្ចព្រះករុណា ព្រះបាទនរោត្តម សីហនុ នៅសាធារណរដ្ឋបារាំង ឆ្នាំ១៩៩៦
  • 5:00 pm
  • Bophana Center
  • Cine Saturday

ផលិតដោយព្រះបាទនរោត្តម សីហនុ ឆ្នាំ១៩៩៦ រយៈពេល៩២នាទី ភាសាខ្មែរ

ព្រះករុណា សម្ដេចព្រះបាទនរោត្តម សីហនុ និង ព្រះមហេសី បានស្ដេចយាងបំពេញព្រះរាជទស្សនកិច្ចនៅសាធារណរដ្ឋបារាំង ដោយមានការទទួលស្វាគមន៍័យ៉ាងរាក់ទាក់ពីមន្ដ្រីជាន់ខ្ពស់នៃរដ្ឋាភិបាលប្រទេសបារាំង។ នៅឯវិមានប្រធានាធិបតី Élysée ឯកឧត្តមប្រធានាធិបតី Jacques Chirac និង ភរិយា បានទទួលបដិសណ្ឋារកិច្ចថ្វាយចំពោះព្រះបាទនរោត្តម សីហនុ ដោយមានការចូលរួមពីសំណាក់មន្រ្ដីជាន់ខ្ពស់បារាំងមួយចំនួនទៀត។ នៅថ្ងៃបន្ទាប់ ព្រះករុណា ព្រះបាទនរោត្តម សីហនុ បានស្ដេចយាងធ្វើសវនាការ និង ជួបសំណេះសំណាលជាមួយមន្រ្ដីអ្នកមុខអ្នការនិងមន្រ្ដីដឹកនាំក្នុងសាលាក្រុងប៉ារីស និង ប្រជាជនមកពីសហគមន៍ខ្មែរនៅប្រទេសបារាំង។ បន្ទាប់មកទៀត ព្រះករុណា ព្រះបាទនរោត្តម សីហនុ បានជួបពិភាក្សាជាមួយលោកនាយករដ្ឋមន្រ្ដីនៃប្រទេសបារាំង Alain Juppé នឹងបានទស្សនាព្រឹទ្ធសភានៃប្រទេសបារាំង និង ទីកន្លែងសំខាន់ៗជាច្រើនទៀត។

ថ្ងៃសៅរ៍ ទី៨ ខែតុលា ឆ្នាំ២០២២ វេលាម៉ោង៥ល្ងាច នៅមជ្ឈមណ្ឌលបុប្ផាណា។

22
October

ព្រៃប្រសិទ្ធី
  • 5:00 pm
  • Bophana Center
  • Cine Saturday

ផលិតដោយខេមរាភាពយន្ដ ឆ្នាំ១៩៦៦ រយៈពេល១០០នាទី ភាសាខ្មែរ

អ្នកបរបាញ់សត្វខ្មែរមួយក្រុមនៃវណ្ណៈអភិជនបានលង់ខ្លួនចូលទៅដល់ព្រៃជ្រៅ។ កញ្ញាដ៏ស្រស់ស្អាតឈ្មោះ កូលាបបានត្អូញត្អែរ​ទៅលោក​អភិបាលខេត្តថាពពួកសត្វទាំងឡាយហាក់ដូចជាចេះវេទមន្តបំបាំងខ្លួនអញ្ចឹង។ កូលាបមិនដែលជឿលើអារក្ខអ្នកតាការពារព្រៃភ្នំ​ដែលចេះ​ធ្វើអំពើទេ ផ្ទុយពីមិត្តរបស់នាង អេលីយ៉ាន។ ចំណែកឯព្យែរ៉ូ ប្អូនប្រុសរបស់អេលីយ៉ាន មិនចូលចិត្តការបរបាញ់ទេ។ នៅក្នុងល្អាងដែលពួកគេ​ចូលជ្រកទឹកភ្លៀង ព្យែរ៉ូកំពុងអោបថើបគ្នាជាមួយកូលាប។ ព្រះអនុជ ដ៏ក្មេងខ្ចីម្នាក់បានលេចមុខឡើង ហើយអញ្ជើញ ពួកគេទៅដំណាក់របស់​ម្ចាស់បងព្រះនាង គឺព្រះអង្គ។ បន្ទាប់ពីស្រស់ស្រូបអាហារមក ពួកគេទស្សនាទស្សនីយភាពរបាំសំដែងដោយព្រះអនុជ។ កញ្ញាអេលីយ៉ាន​កំពុងជាប់ចិត្តយ៉ាងខ្លាំង រីឯកូលាបវិញប្រច័ណ្ឌព្យែរ៉ូ។ នៅថ្ងៃបន្ទាប់ ព្រះអនុជបានបដិសេដការផ្តើមទាក់ទងជាមួយព្យែរ៉ូ ចំណែកព្រះអង្គសំដែង​អោយឃើញថាព្រះអង្គ​ជាម្ចាស់ទឹកដីនេះ ដើម្បីបាននៅជិតអេលីយ៉ាន។

ថ្ងៃសៅរ៍ ទី២២ ខែតុលា ឆ្នាំ២០២២ វេលាម៉ោង៥ល្ងាច នៅមជ្ឈមណ្ឌលបុប្ផាណា។

ព្រឹត្តិការណ៍សំខាន់ៗ
គ្មានព្រឹត្តិការណ៍ថ្មីនៅឡើយ
  • បណ្ណសារ​


    ផ្នែកបណ្ណសារ​ គឺជា​សសរ​គោល និង​ជាមូលហេតុ​នៃការ​បង្កើត​មជ្ឈមណ្ឌល។ ការ​ងារ​របស់​យើង​ គឺ​​រៀប​ចំ​បេតិកភណ្ឌ​ភាពយន្ត​ និង​សោតទស្សន៍​នៃ​ប្រទេស​កម្ពុជា ​តាម​រយៈ​ការ​ប្រមូល និង​ថែរក្សា។ បណ្ណសារភាពយន្ត រូបថត ខ្សែអាត់​សំឡេងទាំង​នោះ ​ប្រមូល​បាន​មក​ពី​ប្រទេស​កម្ពុជា និង​បរទេស។​

    បណ្ណសារ​
  • ​ផលិតកម្ម


    ផ្នែក​ផលិត​របស់យើង​ គឺ​ជា​សសរ​គោល​ទីពីរនៃ​មជ្ឈមណ្ឌល​បុប្ផាណា​។ តាមរយៈការ​រួម​គ្នាធ្វើ​ការ​យ៉ាង​ជិតស្និទ្ធ​​​នៃ​ផ្នែក​ផលិត និង​ផ្នែក​បណ្ណសារ មជ្ឈមណ្ឌល​បុប្ផាណា​បានក្លាយទៅជា​ទីកន្លែង​តែមួយ​គត់​នៃ​ការ​ប្រមូលផ្ដុំ​ការ​អភិវឌ្ឍ បេតិកភណ្ឌ និង​ការច្នៃ​ប្រតិដ្ឋ​ ការផលិតភាពយន្ត និង​ប្រព័ន្ធផ្សព្វ​ផ្សាយ។

    ផលិតកម្ម

ផលិតផល​

រាល់សមិទ្ធផលនៃ​ផលិត​កម្ម​របស់​យើង​ (ដូចជា សៀវ​ភៅ​ ស៊ីឌី និង​ឌីវីឌី...) ក៏ដូចជាផលិតផល​របស់​ដៃគូ​យើង​ផង​ដែរ​ មាន​លក់​នៅ​ក្នុង​ប៊ូទីក​របស់​មជ្ឈមណ្ឌល​បុប្ផាណា។

សេវាកម្ម​

ចាប់តាំងពីបើក​សម្ពោធមជ្ឈ​មណ្ឌល​បុប្ផាណា​មក យើង​​បាន​​អភិវឌ្ឍ​​សេវា​​កម្ម​​កាន់​​តែ​​ច្រើន​​ជាង​​មុន សម្រាប់​​សាធារណ​​ជន​គោល ដែល​​ពួក​​គេ​​អាច​​មក​​ទស្សនា​​តែ​ម្នាក់​​​ឯង ឬជាក្រុម ក្នុងនាមអង្គការ​​​​សង្គម​ស៊ីវិល សហ​គ្រាស ឬ​ ស្ថាប័ន​នានា​ជា​ដើម។

នេះជាគម្រោង​ដ៏ល្អ! ជា​ដំណើរ​ការ​ដ៏​ល្អ ដែល​​ទាក់​ទិន​​នឹង​​បញ្ហា​ការ​ចង​ចាំ ការ​​បង្ហាញ​​ឱ្យ​ឃើញ និង​​បាន​​ស្វែង​​យល់​​ឡើង​​វិញ​! នេះ​ជា​ឱកាស​មួយ ដែល​​បង្ហាញ​​ឲ្យ​​ឃើញ​ច្បាស់​​នា​ពេលបច្ចុប្បន្ន។​ ចំណាយ​ពេល​​នៅ​មជ្ឈ​មណ្ឌល​​បុប្ផា​ណា​ ខ្ញុំ​​មាន​​អារម្មណ៍​ថា​​​ សុបិន​នៃ​ការ​​ចង​​ចាំ​​បាន​​ចាប់​​ផ្ដើម​មាន។ តាម​​រយៈ​​បណ្ណសារ​​ជា​​សំឡេង និង​​រូប​ភាព​​ បាន​​ក្លាយ​​ទៅ​ជា​​ព្រលឹង​​នៃ​​ការ​​បង្កើត​​ឡើង​​ជា​​បន្ត​បន្ទាប់។ អរគុណ រិទ្ធី និង​​អប​អរ​សាទរអ្នក​ទាំង​អស់​គ្នា។ — Bertrand Tavernier