កម្មវិធី

ការបញ្ចំាងភាពយន្ត

23
November

ព្រះថោង និងនាងនាគ
  • 5:00 pm
  • Bophana Center
  • Cine Saturday

30
November

ការលេចត្រដែតឡើងជាថ្មីនៃនាដកាសួគ៌ា
  • 5:00 pm
  • Bophana Center
  • Cine Saturday

7
December

ជំរំ ៣២
  • 5:00 pm
  • Bophana Center
  • Cine Saturday

13
December

ពីអត្ថបទភាពយន្តឆ្ពោះទៅផ្ទាំងសំពត់ស ៖ ល្បឿន និងចង្វាក់
  • 6:30 pm
  • Bophana Center
  • Cine Club

ដោយលោក ជុំ សុធា អ្នកដឹកនាំស្ប៉តពាណិជ្ជកម្ម, ធ្វើឡើងជាភាសាខ្មែរ និងអង់គ្លេស

បន្ទាប់ពីបញ្ចប់បរិញ្ញាបត្រផ្នែកផលិតខ្សែភាពយន្តមកពីប្រទេសកូរ៉េខាងត្បូងក្នុងឆ្នាំ ២០១៦ សុធា បានវិលត្រឡប់មកកម្ពុជាវិញដើម្បីចាប់អាជីពជាអ្នកដឹកនាំស្ប៉តពាណិជ្ជកម្ម។ គាត់បានប្រឡូកក្នុងវិស័យនេះតាំងពីឆ្នាំ ២០០៤ ដោយចាប់ផ្តើមជាអ្នករចនាក្រាហ្វិច និងក្រោយមកក៏បានក្លាយជាអ្នកដឹកនាំ។ ទន្ទឹមនឹងការចាប់យកអាជីពនេះ សុធាក៏ជាសមាជិកនៃសាលាភាពយន្តល្បីៗមួយចំនួនផងដែរ ដូចជា AFA (២០១៧) និង FAJR (២០១៩)។

គាត់នឹងធ្វើបទបង្ហាញមួយទាក់ទងនឹង «ល្បឿន និងចង្វាក់» នៃវីដេអូ និងខ្សែភាពយន្ត។ ខណៈពេលដែលមនុស្សជាច្រើនជឿជាក់ថា ល្បឿន និងចង្វាក់ត្រូវបានកំណត់ក្រោយការថតចប់ យើងនឹងសាកល្បងសង្កេតមើលឲ្យស៊ីជម្រៅបន្តិច ហើយស្វែងរកល្បឿន និងចង្វាក់នេះតាំងតែពីការសរសេរដំបូង។

ចូលរួមដោយសេរី

14
December

អ្នកវង្វេងផ្លូវ
  • 5:00 pm
  • Bophana Center
  • Cine Saturday
ព្រឹត្តិការណ៍សំខាន់ៗ

24
October

ប្រជាជនខ្មែរក្នុងអន្តរកាលដ៏លំបាក

  • 8:00 am
  • Bophana Center
  • Exhibitions

ដោយលោក សេនី មង្គល, សិល្បករថតរូប

ចាប់ពីថ្ងៃទី ២៤ ខែតុលា ដល់ថ្ងៃទី ២៣ ខែវិច្ឆិកា

ដោយលោក សេនី មង្គល, សិល្បករថតរូប
រៀបចំកម្មវិធីដោយ មហោស្រពរូបថតភ្នំពេញ ២០១៩

សិល្បករថតរូប លោក សេនី មង្គល បានចាប់អារម្មណ៍ និងផ្តោតការយកចិត្តទុកដាក់ចំពោះប្រជាជនដែលរស់នៅក្នុងសម័យខ្មែរក្រហម ដោយបានថតរូបជាច្រើនស្តីពីជំរំខ្មែរក្រហម និងជំរំជនភៀសខ្លួនរបស់ជនជាតិខ្មែរក្នុងប្រទេសថៃ នារង្វង់ឆ្នាំ ១៩៨០។ សិល្បករថតរូបដែលបានស្លាប់ក្នុងអាយុ ៣៣ ឆ្នាំ នាឆ្នាំ ១៩៨៦ បានថតរូបទាំងនោះដោយខ្លួនឯងក្នុងក្តីអាណិតអាសូរ និងការលះបង់។ រូបថតទាំងនោះបានផ្លាស់ប្តូរក្នុងអំឡុងពេលដែលលក្ខខណ្ឌអភិរក្សរូបថតមិនល្អ ក៏ប៉ុន្តែ វាក៏បានបង្ហាញពីសោភណភាពចំពោះរូបភាពជាប្រវត្តិសាស្ត្រនេះជាលើកដំបូងផងដែរ។

ទស្សនាដោយសេរី

14
November

នាដកាលាក់កាយ

  • 8:00 am
  • Bophana Center
  • Exhibitions

រៀបចំដោយ មជ្ឈមណ្ឌលបុប្ផាណា

ចាប់ពីថ្ងៃទី ១៤ ដល់ថ្ងៃទី ២៣ ខែវិច្ឆិកា
សម្ពោធពិព័រណ៍នៅថ្ងៃទី ១៤ ខែវិច្ឆិកា ម៉ោង ២ រសៀល នៅឯវិទ្យាស្ថានភាសាបរទេស នៃសាកលវិទ្យាល័យភូមិន្ទភ្នំពេញ

រៀបចំដោយ មជ្ឈមណ្ឌលបុប្ផាណា
សហការជាមួយ Australian Centre for the Moving Image (ACMI) និងអង្គការសិល្បៈខ្មែរអមតៈ

“នាដកាលាក់កាយ” ជាពិព័រណ៍ពហុប្រព័ន្ធផ្សព្វផ្សាយស្ដីអំពីរបាំព្រះរាជទ្រព្យ ឬរបាំក្បាច់បុរាណខ្មែរ តាមរយៈបណ្ណសារសោតទស្សន៍ដែលមានតាំងពីសម័យអាណាព្យាបាលបារាំង ដល់សម័យក្រោយរបបកម្ពុជាប្រជាធិបតេយ្យ។ ពិព័រណ៍នេះជាការទាញចំណាប់អារម្មណ៍របស់សាធារណជន ជាពិសេសយុវជន ទៅលើការវិវត្តនៃរបាំព្រះរាជទ្រព្យ ដោយប្រើប្រាស់បច្ចេកវិទ្យាថ្មីមួយគឺ AR (Augmented Reality)។

រូបភាពដ៏អស្ចារ្យទាំងនេះនឹងត្រូវបង្ហាញជាលក្ខណៈចល័តតាមទីតាំងមួយចំនួនក្នុងរាជធានីភ្នំពេញ ទន្ទឹមគ្នានឹងមហោស្រព «សិល្បៈដើម្បីសន្តិភាព» របស់អង្គការសិល្បៈខ្មែរអមតៈ សហការជាមួយ Australian Centre for the Moving Image (ACMI)។

កាលបរិច្ឆេទ និងទីតាំងនៃការបង្ហាញ ៖
- ពីថ្ងៃទី ១៤ ដល់ថ្ងៃទី ២០ ខែវិច្ឆិកា ៖ វិទ្យាស្ថានភាសាបរទេស នៃសាកលវិទ្យាល័យភូមិន្ទភ្នំពេញ
- ពីថ្ងៃទី ២១ ដល់ថ្ងៃទី ២៣ ខែវិច្ឆិកា ៖ សាលសន្និសីទចតុម្មុខ

ទស្សនាដោយសេរី

26
November

ពិព័រណ៍រូបថត “សេចក្តីថ្លៃថ្នូរ”

  • 8:00 am
  • Bophana Center
  • Exhibitions

រៀបចំដោយ NGO-CEDAW

ចាប់ពីថ្ងៃទី ២៦ ខែវិច្ឆិកា ដល់ថ្ងៃទី ៩ ខែធ្នូ
សម្ពោធពិព័រណ៍នៅថ្ងៃទី ២៨ ខែវិច្ឆិកា វេលាម៉ោង ៦ ល្ងាច

រៀបចំដោយ NGO-CEDAW

NGO-CEDAW គឺជាសម្ព័ន្ធនៃអង្គការមិនមែនរដ្ឋាភិបាលនិងសមាគមចំនួន ៤០ ដែលធ្វើការទៅលើការត្រួតពិនិត្យ និងជំរុញការអនុវត្តនូវអនុសញ្ញារបស់អង្គការសហប្រជាជាតិស្តីអំពីការលុបបំបាត់រាល់ទម្រង់នៃការរើសអើងប្រឆាំងនឹងស្ត្រី (CEDAW) នៅក្នុងប្រទេសកម្ពុជា។

Dignity Cambodia គឺជាគម្រោងរបស់ NGO-CEDAW ដែលប្រើសិល្បៈជាផ្នែកមួយនៃកិច្ចប្រឹងប្រែងតស៊ូមតិរបស់ខ្លួន ដើម្បីជំរុញឲ្យមានការធ្វើវិសោធនកម្មច្បាប់ស្តីពីការទប់ស្កាត់អំពើហិង្សាក្នុងគ្រួសារនិងកិច្ចការពារជនរងគ្រោះ និងដើម្បីលើកកម្ពស់សមភាពយេនឌ័រជាទូទៅ។

ជារៀងរាល់ឆ្នាំ ចាប់ពីថ្ងៃទី ២៦ ខែវិច្ឆិកា ដល់ថ្ងៃទី ១០ ខែធ្នូ គឺជាយុទ្ធនាការ ១៦ ថ្ងៃ ធ្វើឡើងជាលក្ខណៈអន្តរជាតិ ប្រឆាំងនឹងអំពើហឹង្សាប្រឆាំងនឹងភេទ ហើយនៅឆ្នាំនេះ NGO-CEDAW នឹងរៀបចំពិព័រណ៍ក្រោមចំណងជើងថា «សេចក្តីថ្លៃថ្នូរ» ចាប់ពីថ្ងៃទី ២៦ ខែវិច្ឆិកា ដល់ថ្ងៃទី ៩ ខែធ្នូ ដែលនឹងបង្ហាញពីស្នាដៃថ្មីរបស់សិល្បករខ្មែរ ថា លីនដា, ឃួន វិសិដ្ឋ និង តូ ម៉ាលីនដា។ សិល្បករ វ័យក្មេងទាំងនេះ បានសហការគ្នាបង្កើតពិព័រណ៍រូបថត ដែលជំរុញឲ្យអ្នកទស្សនាសាកសួរនូវអ្វីដែលពួកគេបានរៀន ពោលគឺអំពីអ្វីដែលពួកគេគួរតែប្រព្រឹត្ដចំពោះដៃគូរបស់ពួកគេ។

ពិព័រណ៍នេះ នឹងបើកសម្ពោធចាប់ពីម៉ោង ៦-៩ យប់ នៅថ្ងៃទី ២៨ ខែវិច្ឆិកា ឆ្នាំ ២០១៩។ នៅក្នុងពិធីសម្ពោធនេះ ក៏នឹងមានការបញ្ចាំងខ្សែភាពយន្តរបស់ ម៉ូណា ស៊ីម៉ន់ គឺរឿង The Nun's Path ដែលឆ្លុះបញ្ចាំងអំពីដំណើរជីរិតរបស់ដូនជីវ័យក្មេងម្នាក់ឈ្មោះ ហេង កុសល ដែលគាត់ជឿថា ផ្លូវឆ្ពោះទៅកាន់ការត្រាស់ដឹង គឺមានសម្រាប់ទាំងបុរសនិងស្រ្តី។

ពិព័រណ៍នេះ ត្រូវបានគាំទ្រដោយសហភាពអឺរ៉ុប និង DCA តាមរយៈគម្រោងសំឡេងដើម្បីសមភាពយេនឌ័រ និងមូលនិធិ Heinrich Boll។

ចូលរួមទស្សនាដោយសេរី

  • បណ្ណសារ​


    ផ្នែកបណ្ណសារ​ គឺជា​សសរ​គោល និង​ជាមូលហេតុ​នៃការ​បង្កើត​មជ្ឈមណ្ឌល។ ការ​ងារ​របស់​យើង​ គឺ​​រៀប​ចំ​បេតិកភណ្ឌ​ភាពយន្ត​ និង​សោតទស្សន៍​នៃ​ប្រទេស​កម្ពុជា ​តាម​រយៈ​ការ​ប្រមូល និង​ថែរក្សា។ បណ្ណសារភាពយន្ត រូបថត ខ្សែអាត់​សំឡេងទាំង​នោះ ​ប្រមូល​បាន​មក​ពី​ប្រទេស​កម្ពុជា និង​បរទេស។​

    បណ្ណសារ​
  • ការ​ផលិត


    ផ្នែក​ផលិត​របស់យើង​ គឺ​ជា​សសរ​គោល​ទីពីរនៃ​មជ្ឈមណ្ឌល​បុប្ផាណា​។ តាមរយៈការ​រួម​គ្នាធ្វើ​ការ​យ៉ាង​ជិតស្និទ្ធ​​​នៃ​ផ្នែក​ផលិត និង​ផ្នែក​បណ្ណសារ មជ្ឈមណ្ឌល​បុប្ផាណា​បានក្លាយទៅជា​ទីកន្លែង​តែមួយ​គត់​នៃ​ការ​ប្រមូលផ្ដុំ​ការ​អភិវឌ្ឍ បេតិកភណ្ឌ និង​ការច្នៃ​ប្រតិដ្ឋ​ ការផលិតភាពយន្ត និង​ប្រព័ន្ធផ្សព្វ​ផ្សាយ។

    ការ​ផលិត

ផលិតផល​

រាល់សមិទ្ធផលនៃ​ផលិត​កម្ម​របស់​យើង​ (ដូចជា សៀវ​ភៅ​ ស៊ីឌី និង​ឌីវីឌី...) ក៏ដូចជាផលិតផល​របស់​ដៃគូ​យើង​ផង​ដែរ​ មាន​លក់​នៅ​ក្នុង​ប៊ូទីក​របស់​មជ្ឈមណ្ឌល​បុប្ផាណា។

សេវាកម្ម​

ចាប់តាំងពីបើក​សម្ពោធមជ្ឈ​មណ្ឌល​បុប្ផាណា​មក យើង​​បាន​​អភិវឌ្ឍ​​សេវា​​កម្ម​​កាន់​​តែ​​ច្រើន​​ជាង​​មុន សម្រាប់​​សាធារណ​​ជន​គោល ដែល​​ពួក​​គេ​​អាច​​មក​​ទស្សនា​​តែ​ម្នាក់​​​ឯង ឬជាក្រុម ក្នុងនាមអង្គការ​​​​សង្គម​ស៊ីវិល សហ​គ្រាស ឬ​ ស្ថាប័ន​នានា​ជា​ដើម។

នេះជាគម្រោង​ដ៏ល្អ! ជា​ដំណើរ​ការ​ដ៏​ល្អ ដែល​​ទាក់​ទិន​​នឹង​​បញ្ហា​ការ​ចង​ចាំ ការ​​បង្ហាញ​​ឱ្យ​ឃើញ និង​​បាន​​ស្វែង​​យល់​​ឡើង​​វិញ​! នេះ​ជា​ឱកាស​មួយ ដែល​​បង្ហាញ​​ឲ្យ​​ឃើញ​ច្បាស់​​នា​ពេលបច្ចុប្បន្ន។​ ចំណាយ​ពេល​​នៅ​មជ្ឈ​មណ្ឌល​​បុប្ផា​ណា​ ខ្ញុំ​​មាន​​អារម្មណ៍​ថា​​​ សុបិន​នៃ​ការ​​ចង​​ចាំ​​បាន​​ចាប់​​ផ្ដើម​មាន។ តាម​​រយៈ​​បណ្ណសារ​​ជា​​សំឡេង និង​​រូប​ភាព​​ បាន​​ក្លាយ​​ទៅ​ជា​​ព្រលឹង​​នៃ​​ការ​​បង្កើត​​ឡើង​​ជា​​បន្ត​បន្ទាប់។ អរគុណ រិទ្ធី និង​​អប​អរ​សាទរអ្នក​ទាំង​អស់​គ្នា។