កម្មវិធី

ការបញ្ចាំងភាពយន្ត
ព្រឹត្តិការណ៍សំខាន់ៗ

26
October

ការបញ្ចាំងភាពយន្តឯកសារ និងការចែករំលែកបទពិសោធស្តីពីការធ្វើការងារជាមួយស្ត្រីជនជាតិដើមភាគតិច – Online

  • 2:00 pm
  • Bophana Center
  • Special Screening

រៀបចំដោយមជ្ឈមណ្ឌលបុប្ផាណា

មជ្ឈមណ្ឌលបុប្ផាណាកំពុងអនុវត្តគម្រោង “ការបន្លឺសំឡេងរបស់ស្ត្រីជនជាតិដើមភាគតិច និងក្រុមដែលត្រូវបានគេរើសអើង តាមរយៈពហុប្រព័ន្ធផ្សព្វផ្សាយថ្មី” ដែលគម្រោងនេះមានគោលបំណងបន្លឺសំឡេងរបស់ស្ត្រីជនជាតិដើមភាគតិច និងក្រុមដែលត្រូវបានគេរើសអើង តាមរយៈភាពយន្តឯកសារដែលផលិតឡើងដោយផ្ទាល់ពីយុវជនដែលមកពីសហគមន៍របស់ពួកគេ។

ដើម្បីឆ្លុះបញ្ចាំងពីអ្វីដែលគម្រោងនេះសម្រេចបាន មជ្ឈមណ្ឌលបុប្ផាណានឹងរៀបចំកម្មវិធីបញ្ចាំងខ្សែភាពយន្តរបស់យុវជន ព្រមទាំងវេទិកាចែករំលែកនូវបទពិសោធស្តីពីការធ្វើការងារជាមួយស្ត្រីជនជាតិដើមភាគតិច។ គោលបំណងនៃកម្មវិធីនេះរួមមាន ៖
- ដើម្បីចែករំលែកគំនិតទាក់ទងនឹងបញ្ហាដែលស្ត្រីជនជាតិដើមភាគតិចនៅកម្ពុជាកំពុងតែប្រឈមមុខ។
- ទទួលយក និងប្រមូលគំនិត អនុសាសន៍ ពីអ្នកចូលរួម ដើម្បីស្វែងរកវិធីជួយពង្រីកសំឡេងរបស់ស្ត្រីជនជាតិដើមភាគតិច នាំឱ្យបញ្ហារបស់ពួកគេកាន់តែត្រូវបានស្ដាប់ឮដោយភាគី និងអាជ្ញាធរដែលពាក់ព័ន្ធ។

កម្មវិធីនេះនឹងប្រព្រឹត្តទៅនៅថ្ងៃទី ២៦ ខែតុលា ឆ្នាំ ២០២០ ចាប់ពីម៉ោង ២ រសៀលតទៅ នៅមជ្ឈមណ្ឌលបុប្ផាណា។ សាធារណជនទូទៅអាចចូលរួមកម្មវិធីនេះបានតាមរយៈការផ្សាយបន្តផ្ទាល់នៅលើទំព័រ Facebook របស់មជ្ឈមណ្ឌលបុប្ផាណា ឬទំព័រ Facebook របស់គម្រោង (Amplifying Voices of Indigenous Women and Discriminated Groups)។ កម្មវិធីនេះនឹងធ្វើឡើងជាភាសាខ្មែរ។

គម្រោងនេះអនុវត្តដោយមជ្ឈមណ្ឌលបុប្ផាណា ទទួលបានការឧបត្ថម្ភពី Voice តាមរយៈអង្គការអុកស្វាមកម្ពុជា ស្ថានទូតអូស្ត្រាលីប្រចាំនៅកម្ពុជា មូលនិធិ Heinrich Böll មូលនិធិ Ford និងវិទ្យាស្ថាន Sundance ដោយមានការចូលរួមសហការពី Cambodia Film Commission (CFC)។

27
October

ទិវាបេតិកភណ្ឌសោតទស្សន៍ពិភពលោក ២០២០

  • 6:00 pm
  • Bophana Center
  • Conferences

រៀបចំដោយមជ្ឈមណ្ឌលបុប្ផាណា

មជ្ឈមណ្ឌល​ធនធានសោតទស្សន៍បុប្ផាណា​រីករាយប្រារព្ធនូវ​ "ទិវា​បេតិកភណ្ឌ​សោតទស្សន៍​ពិភពលោក ២០២០" ក្រោមប្រធានបទ "Your Window to the World" ដោយមានការធ្វើបទ​បង្ហាញពី​ផ្នែកបណ្ណសារនៃ​មជ្ឈមណ្ឌល​បុប្ផាណា និងផ្នែកបណ្ណសារនៃ​សារមន្ទីរឧក្រិដ្ឋកម្មប្រល័យពូជសាសន៍ទួលស្លែង ស្ដីពី "បណ្ណសារឌីជីថលផ្សារភ្ជាប់អតីតកាល បច្ចុប្បន្នកាល អនាគត"។

ក្រោយចប់បទបង្ហាញនេះ កម្មវិធីនឹងបញ្ចាំងភាពយន្តឯកសារខ្លីមួយស្ដីពីការចងចាំរបស់អ្នករស់រានមានជីវិតពីរបបខ្មែរក្រហម។

កម្មវិធីនេះនឹងប្រព្រឹត្តទៅជាលក្ខណៈ Online នៅថ្ងៃទី ២៧ ខែតុលា ឆ្នាំ ២០២០ វេលាម៉ោង ៦ ល្ងាច ដល់ម៉ោង ៧ យប់ នៅលើទំព័រ Facebook របស់មជ្ឈមណ្ឌលបុប្ផាណា។ កម្មវិធីនេះនឹងធ្វើឡើងជាភាសាខ្មែរ។

3
October

ពិព័រណ៍ “សេចក្តីសង្ឃឹមសម្រាប់កម្ពុជា”

  • 2:00 pm
  • Bophana Center
  • Exhibitions

ពិព័រណ៍ទោលដោយ ឆេ មីយ៉ា

ចាប់ពីថ្ងៃទី ៣ តុលា ដល់ថ្ងៃទី ២៨ តុលា
សម្ពោធពិព័រណ៍នៅថ្ងៃទី ៣ តុលា វេលាម៉ោង ៥:៣០ ល្ងាច (សម្រាប់អ្នកដែលត្រូវបានអញ្ជើញប៉ុណ្ណោះ)

"សេចក្ដីសង្ឃឹមសម្រាប់កម្ពុជា" ជាបណ្ដុំនៃគំនូរឌីជីថលរបស់សិល្បករ ឆេ មីយ៉ា។ គំនូរទាំងនេះបង្ហាញឱ្យឃើញនូវទស្សនៈដែលអ្នកស្រីមីយ៉ាមើលឃើញអំឡុងសមាធិគម្ពីរប៊ីប។ រឿងខ្លះគាត់អាចមើលឃើញយ៉ាងច្បាស់ភ្លាមៗ ខណៈដែលរឿងខ្លះទៀត គាត់ត្រូវប្រមូលអារម្មណ៍មើលសាឡើងវិញ។ តាមរយៈសមាធិយោគនេះ មីយ៉ាបានព្យាយាមភ្ជាប់គំហើញផ្ទាល់ខ្លួន និងខាងវិញ្ញាណរបស់អ្នកស្រី ទៅកាន់ពិភពធម្មជាតិដែលមានពណ៌ចម្រុះ។

ជីវិតរបស់មីយ៉ានៅកម្ពុជាបានជះឥទ្ធិពលយ៉ាងខ្លាំងដល់ការងារនេះ។ ពណ៌នៃថ្ងៃលិច ឫសដែលចាក់ជាប់ និងផ្កាឈូក បង្ហាញពីក្ដីស្រឡាញ់ និងការគោរពរបស់នាងចំពោះប្រទេសកម្ពុជា។ តាមរយៈស្នាដៃនេះ អ្នកស្រីមានបំណងប្រាថ្នាចង់ផ្សព្វផ្សាយនូវសារពីក្តីស្រឡាញ់ និងក្តីសង្ឃឹមដល់ប្រជាជនទាំងអស់ ជាពិសេសប្រជាជនកម្ពុជា ប្រៀបដូចជាផ្កាយដែលរះនៅក្នុងទីងងឹត ឬសត្វព្រាបដែលកំពុងត្រដាងស្លាបហោះហើរនៅលើរលកទឹក។

សាធារណជនអាចចូលទស្សនាពិព័រណ៍នេះ ដោយរក្សាគម្លាតសុវត្ថិភាពពីគ្នាយ៉ាងតិច ២ ម៉ែត្រ។ ហើយសូមកុំភ្លេចពាក់ម៉ាស និងលាងសម្អាតដៃរបស់លោកអ្នក។ សូមអរគុណយ៉ាងជ្រាលជ្រៅចំពោះកិច្ចសហការដើម្បីបង្ការពីជំងឺកូវីដ-១៩។

ទស្សនាដោយសេរី

  • បណ្ណសារ​


    ផ្នែកបណ្ណសារ​ គឺជា​សសរ​គោល និង​ជាមូលហេតុ​នៃការ​បង្កើត​មជ្ឈមណ្ឌល។ ការ​ងារ​របស់​យើង​ គឺ​​រៀប​ចំ​បេតិកភណ្ឌ​ភាពយន្ត​ និង​សោតទស្សន៍​នៃ​ប្រទេស​កម្ពុជា ​តាម​រយៈ​ការ​ប្រមូល និង​ថែរក្សា។ បណ្ណសារភាពយន្ត រូបថត ខ្សែអាត់​សំឡេងទាំង​នោះ ​ប្រមូល​បាន​មក​ពី​ប្រទេស​កម្ពុជា និង​បរទេស។​

    បណ្ណសារ​
  • ការ​ផលិត


    ផ្នែក​ផលិត​របស់យើង​ គឺ​ជា​សសរ​គោល​ទីពីរនៃ​មជ្ឈមណ្ឌល​បុប្ផាណា​។ តាមរយៈការ​រួម​គ្នាធ្វើ​ការ​យ៉ាង​ជិតស្និទ្ធ​​​នៃ​ផ្នែក​ផលិត និង​ផ្នែក​បណ្ណសារ មជ្ឈមណ្ឌល​បុប្ផាណា​បានក្លាយទៅជា​ទីកន្លែង​តែមួយ​គត់​នៃ​ការ​ប្រមូលផ្ដុំ​ការ​អភិវឌ្ឍ បេតិកភណ្ឌ និង​ការច្នៃ​ប្រតិដ្ឋ​ ការផលិតភាពយន្ត និង​ប្រព័ន្ធផ្សព្វ​ផ្សាយ។

    ការ​ផលិត

ផលិតផល​

រាល់សមិទ្ធផលនៃ​ផលិត​កម្ម​របស់​យើង​ (ដូចជា សៀវ​ភៅ​ ស៊ីឌី និង​ឌីវីឌី...) ក៏ដូចជាផលិតផល​របស់​ដៃគូ​យើង​ផង​ដែរ​ មាន​លក់​នៅ​ក្នុង​ប៊ូទីក​របស់​មជ្ឈមណ្ឌល​បុប្ផាណា។

សេវាកម្ម​

ចាប់តាំងពីបើក​សម្ពោធមជ្ឈ​មណ្ឌល​បុប្ផាណា​មក យើង​​បាន​​អភិវឌ្ឍ​​សេវា​​កម្ម​​កាន់​​តែ​​ច្រើន​​ជាង​​មុន សម្រាប់​​សាធារណ​​ជន​គោល ដែល​​ពួក​​គេ​​អាច​​មក​​ទស្សនា​​តែ​ម្នាក់​​​ឯង ឬជាក្រុម ក្នុងនាមអង្គការ​​​​សង្គម​ស៊ីវិល សហ​គ្រាស ឬ​ ស្ថាប័ន​នានា​ជា​ដើម។

នេះជាគម្រោង​ដ៏ល្អ! ជា​ដំណើរ​ការ​ដ៏​ល្អ ដែល​​ទាក់​ទិន​​នឹង​​បញ្ហា​ការ​ចង​ចាំ ការ​​បង្ហាញ​​ឱ្យ​ឃើញ និង​​បាន​​ស្វែង​​យល់​​ឡើង​​វិញ​! នេះ​ជា​ឱកាស​មួយ ដែល​​បង្ហាញ​​ឲ្យ​​ឃើញ​ច្បាស់​​នា​ពេលបច្ចុប្បន្ន។​ ចំណាយ​ពេល​​នៅ​មជ្ឈ​មណ្ឌល​​បុប្ផា​ណា​ ខ្ញុំ​​មាន​​អារម្មណ៍​ថា​​​ សុបិន​នៃ​ការ​​ចង​​ចាំ​​បាន​​ចាប់​​ផ្ដើម​មាន។ តាម​​រយៈ​​បណ្ណសារ​​ជា​​សំឡេង និង​​រូប​ភាព​​ បាន​​ក្លាយ​​ទៅ​ជា​​ព្រលឹង​​នៃ​​ការ​​បង្កើត​​ឡើង​​ជា​​បន្ត​បន្ទាប់។ អរគុណ រិទ្ធី និង​​អប​អរ​សាទរអ្នក​ទាំង​អស់​គ្នា។ — Bertrand Tavernier