មជ្ឈមណ្ឌលធនធានសោតទស្សន៍បុប្ផាណា
ជម្រកចុងក្រោយ
សមិទ្ធិករ ៖ អានឡ័រ ប៉រ៉េ និង ហ្គីយ៉ូម សួន
ភាពយន្តឯកសារ / ៦៥ នាទី / ២០១៣
នៅមិនឆ្ងាយប៉ុន្មានពីព្រំដែនវៀតណាម ជនជាតិព្នងកំពុងប្រឈមមុខនឹងការធ្វើសម្បទានសេដ្ឋកិច្ចដែលគេអះអាងថាជា «ការអភិវឌ្ឍ»។ ពួកគេបាត់បង់ទីបញ្ចុះសព បាត់បង់ចម្ការ ព្រៃដែលជាអ្នកបីបាច់ និងការពារពួកគេ ព្រោះព្រៃនោះត្រូវបានឈូសឆាយ ដោយក្រុមហ៊ុនដែលមកដាំកៅស៊ូ។ ទោះត្រូវក្រុមហ៊ុនយកដីក៏ដោយ ពូចាប និងអ្នកជិតខាងផ្សេងទៀតមិនព្រមស៊ីឈ្នួលឲ្យខាងចម្ការកៅស៊ូទេ។ ពួកគាត់ប្រឹងត្រដររស់ក្នុងស្ថានភាពកាន់តែពិបាកទៅ ហើយប្រឹងសង្គ្រោះអត្តសញ្ញាណរបស់ពួកគាត់។ ភាពយន្តឯកសារនេះបង្ហាញពីជីវិតប្រចាំថ្ងៃរបស់អ្នកនៅតំបន់ខ្ពង់រាបនៃប្រទេសកម្ពុជា ការតស៊ូបែបអហិង្សា និងថ្លៃថ្នូរ ដើម្បីថែរក្សាដួងព្រលឹងរបស់ខ្លួន។
ផលិតកម្ម ៖
ផលិតកម្មបុប្ផាណា / មជ្ឈមណ្ឌលបុប្ផាណា / ផលិតកម្ម Tipasa
ដោយមានការគាំទ្រពី ៖
ស្ថាប័នទី ១៥ នៃជំនួយលើការអភិវឌ្ឍអត្ថបទភាពយន្តនៅក្នុងមហោស្រពភាពយន្តអន្តរជាតិ Amiens / ស្ថាប័នឯកសារភាសាបារាំងនៃការផលិតផ្នែកសោតទស្សន៍នៅភាគខាងត្បូង / មជ្ឈមណ្ឌលបណ្ដុះបណ្ដាលជំនាញ និងអាជីពថតភាពយន្តនៅកម្ពុជា
ក្នុងមហោស្រព ៖
Chop Shots (ឥណ្ឌូណេស៊ី) មហោស្រពភាពយន្តអន្តរជាតិ និងជំនួបស្ដីពីសិទ្ធិមនុស្ស FIFDH (ទីក្រុងហ្សឺណែវ) មជ្ឈមណ្ឌល Lincoln (ទីក្រុងញូវយ៉ក សហរដ្ឋអាមេរិក)
