March 23, 2021

ភាពយន្តបីរឿងរបស់សិក្ខាកាមបុប្ផាណាត្រូវបានជ្រើសរើសសម្រាប់ព្រឹត្តិការណ៍ AAS 2021 Film Expo

មជ្ឈមណ្ឌល​បុប្ផាណា​មាន​សេចក្ដី​រីករាយ​ណាស់​ដែល​ភាពយន្ត​ឯកសារ​ចំនួន​បី​រឿង​ផលិត​ដោយ​សិក្ខាកាម​ផ្នែក​ផលិត​ភាពយន្ត​របស់​បុប្ផាណា ត្រូវបាន​ជ្រើសរើស និង​យកទៅ​បង្ហាញ​នៅក្នុង​ព្រឹត្តិការណ៍ AAS 2021 Film Expo នៅ​សហរដ្ឋ​អាមេរិក ចាប់ពី​ថ្ងៃទី​២១ ដល់​ថ្ងៃទី​២៦ ខែ​មីនា ឆ្នាំ​២០២១ ហើយ​ព្រឹត្តិការណ៍​ក្នុងឆ្នាំនេះ​ត្រូវបាន​រៀបចំឡើង​ជាលក្ខណៈ Online។

AAS 2021 Film Expo កំពុង​បង្ហាញ​ខ្សែភាពយន្ត​ចំនួន​២៨​រឿង ក្នុងនោះ​មាន​ភាពយន្ត​បីរឿង​ដែល​ផលិត​ដោយ​សិក្ខាកាម​របស់​បុប្ផាណា​ក្រោម​គម្រោង “ការ​បន្លឺ​សំឡេង​របស់​ស្ត្រី​ជនជាតិដើម​ភាគតិច និង​ក្រុម​ដែល​ត្រូវបាន​គេ​រើសអើង តាមរយៈ​ពហុ​ប្រព័ន្ធ​ផ្សព្វផ្សាយ​ថ្មី” ដែល​រួមមាន​៖ រឿង “រសាត់” (ដឹកនាំ​ដោយ ហេង មិនា), រឿង “បារម្ភ” (ដឹកនាំ​ដោយ លឿន ឈូក និង ព្រឹល ព្រីង) និង​រឿង “គ្មានជម្រើស” (ដឹកនាំ​ដោយ ឌិន រ៉ូដា)។

ជាងនេះ​ទៅទៀត ព្រឹត្តិការណ៍​ក៏នឹង​រៀបចំ​ឱ្យមាន​វេទិកា​សំណួរ​ចម្លើយ​ដល់ទៅ​២១​លើក​ទៀតផង។ លោក ជា សុភាព នាយក​ប្រតិបត្តិ​មជ្ឈមណ្ឌល​បុប្ផាណា នឹង​ចូលរួម​ជា​វាគ្មិន​នៅក្នុង​វេទិកា​សំណួរ​ចម្លើយ​មួយ​នា​ថ្ងៃទី​២៦ ខែ​មីនា ឆ្នាំ​២០២១ វេលា​ម៉ោង​៩យប់ (ម៉ោង​នៅ​ប្រទេស​កម្ពុជា)។

សម្រាប់​ព័ត៌មាន​លម្អិត​អំពី​ព្រឹត្តិការណ៍​ទាំងមូល ក៏ដូចជា​កម្មវិធី​លម្អិត​នីមួយៗ សូមចុចទីនេះ

សូម​ចូលរួម​អបអរ​សាទរ​ចំពោះការ​ខិតខំ​ប្រឹងប្រែង​របស់​អ្នក​ទាំងអស់​គ្នា!

AAS 2021 Film Expo (For Web)