កម្មវិធី

ការបញ្ចំាងភាពយន្ត

18
July

ភាពយន្តឯកសារ ២ រឿងអំពីជីវិតប្រជាជនខ្មែរ – Online
  • 5:00 pm
  • Bophana Center
  • Cine Saturday

ផលិតដោយអង្គការឆេមស៍ ឆ្នាំ ២០១១ ភាសាខ្មែរ

១. គន្លឹះនៃការអភិវឌ្ឍ
ផលិតដោយអង្គការឆេមស៍ ឆ្នាំ ២០១១ រយៈពេល ៤៨ នាទី ភាសាខ្មែរ
ភាពយន្ដឯកសារនេះនឹងនាំអស់លោក អ្នកនាង ទៅយល់ដឹងអំពីការអភិវឌ្ឍជីវភាពរបស់ប្រជាពលរដ្ឋនៅកម្ពុជា។ ស្ដ្រីមួយចំនួនបានប្រកបមុខរបរនៅក្នុងស្រុក ដោយមិនធ្វើការចាកចេញទៅរកលុយនៅក្រៅប្រទេសឡើយ។ ពួកគេបានចាប់យកមុខរបរដោយប្រើបច្ចេកទេសដូចជា ចិញ្ចឹមមាន់ ចិញ្ចឹមត្រី បណ្ដុះផ្សិតចំបើង កាត់ដេរ លក់ដូរបន្លែ និងម្ហូបអាហារ ព្រមទាំងការដាំដំណាំរួមផ្សំជាដើម។

២. ក្ដីសង្ឃឹមរបស់កុមារដែលរងគ្រោះដោយមេរោគអេដស៍ និងជំងឺអេដស៍នៅមន្ទីរពេទ្យកុមារជាតិ
ផលិតដោយអង្គការឆេមស៍ ឆ្នាំ ២០១១ រយៈពេល ៤៨ នាទី ភាសាខ្មែរ
មន្ទីរពេទ្យកុមារជាតិបានផ្ដល់សេវាជូនប្រជាពលរដ្ឋកម្ពុជាគ្រប់រូប។ អ្នកផ្ទុកមេរោគអេដស៍ទទួលបានការថែទាំ និងព្យាបាលដោយយកចិត្តទុកដាក់ខ្ពស់ពីគ្រូពេទ្យនៅទីនោះដោយមិនបង់ថ្លៃ។ ជាងនេះទៅទៀត កុមាររងគ្រោះដោយសារមេរោគអេដស៍ត្រូវបានផ្ដល់ឱសថប្រឆាំងមេរោគអេដស៍ និងការពិនិត្យសុខភាពយ៉ាងត្រឹមត្រូវ។ មិត្តអប់រំមិត្តបានធ្វើការយ៉ាងសកម្មជាមួយនឹងកុមារផ្ទុកមេរោគអេដស៍នៅទីនោះ។
កុមារផ្ទុកមេរោគអេដស៏ជាច្រើននៅមន្ទីរពេទ្យកុមារជាតិ ត្រូវបានសង្គ្រោះឱ្យរួចផុតពីការរើសអើងនៃសង្គម និងមានជីវិតកាន់តែប្រសើរ។

25
July

ភ្លើងគ្មានផ្សែង – Online
  • 5:00 pm
  • Bophana Center
  • Cine Saturday

1
August

ការទម្លាយភាពស្ងៀមស្ងាត់ – Online
  • 5:00 pm
  • Bophana Center
  • Cine Saturday

ផលិតដោយផលិតកម្មខ្មែរមេគង្គ ឆ្នាំ ២០១៧ រយៈពេល ៥០ នាទី ភាសាខ្មែរ មានអក្សរអង់គ្លេសរត់ពីក្រោម

ខ្សែភាពយន្ដឯកសារនេះបង្ហាញពីការផ្ដល់សក្ខីកម្មក្នុងបន្ទប់សវនាការជំនុំជម្រះក្ដី វីដេអូបណ្ណសារ បទសម្ភាសន៍ជាមួយអ្នកជំនាញ អ្នកអនុវត្ត និងអ្នកសិក្សាស្រាវជ្រាវ ដោយរាយការណ៍អំពីគម្រោងសំណងនានា ដែលពាក់ព័ន្ធនឹងការនិយាយពីការឈឺចាប់ដែលទទួលរងគ្រោះវេទនាក្នុងអតីតកាល។ ខ្សែភាពយន្ដឯកសារនេះក៏ជាពន្លឺបង្ហាញពីប្រវត្តិសាស្រ្ដនៃការរៀបការដោយបង្ខំ និងអំពើហិង្សាផ្លូវភេទក្រោមរបបខ្មែរក្រហម ដោយធ្វើការវិភាគលើផលប៉ះពាល់នៃឧក្រិដ្ឋកម្មទាំងនោះទៅលើសង្គមកម្ពុជាបច្ចុប្បន្ន។

8
August

ភាពយន្តរបស់មណ្ឌលព័ត៌មានស្រ្ដីកម្ពុជា: ជីវិតគ្រួសារនៅជនបទ – Online
  • 5:00 pm
  • Bophana Center
  • Cine Saturday

ផលិតដោយមណ្ឌលព័ត៌មានស្រ្ដីកម្ពុជា ភាសាខ្មែរ មានអក្សរអង់គ្លេសរត់ពីក្រោម

១. មេរៀនជីវិត
ផលិតដោយមណ្ឌលព័ត៌មានស្រ្ដីកម្ពុជា រយៈពេល ១៥ នាទី ភាសាខ្មែរ មានអក្សរអង់គ្លេសរត់ពីក្រោម
ខ្សែភាពយន្ដនេះនិយាយពីគ្រោះថ្នាក់នៅពេលសម្រាលកូន។ ការសម្រាលកូននៅផ្ទះ អាចប្រឈមមុខនឹងគ្រោះថ្នាក់។ ម្ដាយ និង ទារក អាចស្លាប់នៅពេលសម្រាល។ តុលាបានជួបគ្រោះថ្នាក់ក្នុងពេលសម្រាលកូន។ កូនរបស់នាងបានស្លាប់។ ក្រោយមក តុលាមានផ្ទៃពោះម្ដងទៀត។ ហើយវុទ្ធីជាប្ដីតុលាបានរៀបចំគ្រប់មធ្យោបាយដើម្បីបង្ការគ្រោះថ្នាក់នៅពេលតុលាសម្រាលកូន...។

២. ប្ដីខ្ញុំ
ផលិតដោយមណ្ឌលព័ត៌មានស្រ្ដីកម្ពុជា រយៈពេល ១៥ នាទី ភាសាខ្មែរ មានអក្សរអង់គ្លេសរត់ពីក្រោម
បុរសជាស្វាមីល្អម្នាក់បានយកចិត្តទុកដាក់ថែទាំប្រពន្ធរបស់ខ្លួននៅពេលមានផ្ទៃពោះ។ ស្រ្ដីដែលជាប្រពន្ធតែងជួបប្រទះបញ្ហាសុខភាពជាច្រើន នៅពេលកំពុងមានផ្ទៃពោះ។ សំណាងល្អ នាងបានទទួលការយកចិត្តទុកដាក់ពីស្វាមីរបស់នាង។ ពួកគេបានត្រៀមគ្រប់មធ្យោបាយដើម្បីសុវត្ថិភាពមាតា និង ទារក។

៣. ស្រែម៉ាប់ និងស្រែស្វិត
ផលិតដោយមណ្ឌលព័ត៌មានស្រ្ដីកម្ពុជា ឆ្នាំ ២០១៤ រយៈពេល ២៧ នាទី ភាសាខ្មែរ មានអក្សរអង់គ្លេសរត់ពីក្រោម
ម៉ាប់ និង ស្វិត រស់នៅក្នុងភូមិជាមួយគ្នា។ ប៉ុន្ដែ ពួកគេមានវិធីសាស្រ្ដផ្សេងពីគ្នាក្នុងការធ្វើស្រែ។ បន្ទាប់ពី ឃើញម៉ាប់ទទួលបានទិន្នផលស្រូវល្អ ស្វិតបានផ្លាស់ប្ដូរវិធីសាស្រ្ដធ្វើស្រែរបស់ខ្លួនពីមុន ដោយយកវិធីសាស្រ្ដធ្វើស្រែតាមម៉ាប់។ ពួកគេបានជ្រើសរើសវិធីសាស្រ្ដធ្វើស្រែតាមប្រពលវប្បកម្ម ឬហៅថា បវស។

15
August

ភាពយន្ដរបស់លោក Stephen Row និងកិច្ចសំណេះសំណាល – Online
  • 5:00 pm
  • Bophana Center
  • Cine Saturday

22
August

ផ្កាស្មៅ – Online
  • 5:00 pm
  • Bophana Center
  • Cine Saturday

29
August

មេឃក្រហម – Online
  • 5:00 pm
  • Bophana Center
  • Cine Saturday
ព្រឹត្តិការណ៍សំខាន់ៗ
  • បណ្ណសារ​


    ផ្នែកបណ្ណសារ​ គឺជា​សសរ​គោល និង​ជាមូលហេតុ​នៃការ​បង្កើត​មជ្ឈមណ្ឌល។ ការ​ងារ​របស់​យើង​ គឺ​​រៀប​ចំ​បេតិកភណ្ឌ​ភាពយន្ត​ និង​សោតទស្សន៍​នៃ​ប្រទេស​កម្ពុជា ​តាម​រយៈ​ការ​ប្រមូល និង​ថែរក្សា។ បណ្ណសារភាពយន្ត រូបថត ខ្សែអាត់​សំឡេងទាំង​នោះ ​ប្រមូល​បាន​មក​ពី​ប្រទេស​កម្ពុជា និង​បរទេស។​

    បណ្ណសារ​
  • ការ​ផលិត


    ផ្នែក​ផលិត​របស់យើង​ គឺ​ជា​សសរ​គោល​ទីពីរនៃ​មជ្ឈមណ្ឌល​បុប្ផាណា​។ តាមរយៈការ​រួម​គ្នាធ្វើ​ការ​យ៉ាង​ជិតស្និទ្ធ​​​នៃ​ផ្នែក​ផលិត និង​ផ្នែក​បណ្ណសារ មជ្ឈមណ្ឌល​បុប្ផាណា​បានក្លាយទៅជា​ទីកន្លែង​តែមួយ​គត់​នៃ​ការ​ប្រមូលផ្ដុំ​ការ​អភិវឌ្ឍ បេតិកភណ្ឌ និង​ការច្នៃ​ប្រតិដ្ឋ​ ការផលិតភាពយន្ត និង​ប្រព័ន្ធផ្សព្វ​ផ្សាយ។

    ការ​ផលិត

ផលិតផល​

រាល់សមិទ្ធផលនៃ​ផលិត​កម្ម​របស់​យើង​ (ដូចជា សៀវ​ភៅ​ ស៊ីឌី និង​ឌីវីឌី...) ក៏ដូចជាផលិតផល​របស់​ដៃគូ​យើង​ផង​ដែរ​ មាន​លក់​នៅ​ក្នុង​ប៊ូទីក​របស់​មជ្ឈមណ្ឌល​បុប្ផាណា។

សេវាកម្ម​

ចាប់តាំងពីបើក​សម្ពោធមជ្ឈ​មណ្ឌល​បុប្ផាណា​មក យើង​​បាន​​អភិវឌ្ឍ​​សេវា​​កម្ម​​កាន់​​តែ​​ច្រើន​​ជាង​​មុន សម្រាប់​​សាធារណ​​ជន​គោល ដែល​​ពួក​​គេ​​អាច​​មក​​ទស្សនា​​តែ​ម្នាក់​​​ឯង ឬជាក្រុម ក្នុងនាមអង្គការ​​​​សង្គម​ស៊ីវិល សហ​គ្រាស ឬ​ ស្ថាប័ន​នានា​ជា​ដើម។

នេះជាគម្រោង​ដ៏ល្អ! ជា​ដំណើរ​ការ​ដ៏​ល្អ ដែល​​ទាក់​ទិន​​នឹង​​បញ្ហា​ការ​ចង​ចាំ ការ​​បង្ហាញ​​ឱ្យ​ឃើញ និង​​បាន​​ស្វែង​​យល់​​ឡើង​​វិញ​! នេះ​ជា​ឱកាស​មួយ ដែល​​បង្ហាញ​​ឲ្យ​​ឃើញ​ច្បាស់​​នា​ពេលបច្ចុប្បន្ន។​ ចំណាយ​ពេល​​នៅ​មជ្ឈ​មណ្ឌល​​បុប្ផា​ណា​ ខ្ញុំ​​មាន​​អារម្មណ៍​ថា​​​ សុបិន​នៃ​ការ​​ចង​​ចាំ​​បាន​​ចាប់​​ផ្ដើម​មាន។ តាម​​រយៈ​​បណ្ណសារ​​ជា​​សំឡេង និង​​រូប​ភាព​​ បាន​​ក្លាយ​​ទៅ​ជា​​ព្រលឹង​​នៃ​​ការ​​បង្កើត​​ឡើង​​ជា​​បន្ត​បន្ទាប់។ អរគុណ រិទ្ធី និង​​អប​អរ​សាទរអ្នក​ទាំង​អស់​គ្នា។ — Bertrand Tavernier