កម្មវិធី

ការបញ្ចំាងភាពយន្ត

19
October

ភាពយន្តចំនួន ៤ នឹង​ត្រូវ​​បញ្ចាំង​នៅ​ថ្ងៃ​សៅរ៍នេះ
  • 5:00 pm
  • Bophana Center
  • Cine Saturday

១. «ពពុះសាប៊ូ»
ដឹកនាំដោយ ហង្ស សុខារ៉ូ រយៈពេល ៧ នាទី ភាសាខ្មែរ មានអក្សរអង់គ្លេសរត់ពីក្រោម
នៅពេលដែលម្តាយមានសុទិដ្ឋិនិយមអំពីអនាគតកូនប្រុសរបស់នាង នាងត្រូវរកវិធីដើម្បីបញ្ជូនកូនប្រុសរបស់នាងទៅសាលារៀន ទោះបីជានាងពិបាកចិញ្ចឹមគ្រួសារក៏ដោយ។

២. «ខេមា»
ដឹកនាំដោយ ហង្ស សុខារ៉ូ ឆ្នាំ ២០១៧ រយៈពេល ៧ នាទី ភាសាខ្មែរ មានអក្សរអង់គ្លេសរត់ពីក្រោម
ក្មេងស្រីម្នាក់មានក្ដីប្រាថ្នាចង់ក្លាយជានាដការបាំ ទោះបីជាជីវិតនាងត្រូវជួបឧបសគ្គ។ តែនាងនៅតែអាចសាងក្ដីសុបិននោះ រហូតក្លាយជាការពិត។

៣. «ផលិតករវ័យក្មេង»
ផលិតដោយ អង្គការសេវាផ្សព្វផ្សាយអប់រំសុខភាពកម្ពុជា (ឆេមស៍) រយៈពេល ១៦ នាទី ភាសាខ្មែរ មានអក្សរអង់គ្លេសរត់ពីក្រោម
នាពេលបច្ចុប្បន្ននេះ ទូរទស្សន៍មានប្រជាប្រិយភាពណាស់ ជាពិសេសចំពោះយុវវ័យក្មេងៗ។ ដូច្នេះ អង្គការឆេមស៍បានបង្រៀនជំនាញដល់មិត្តអប់រំមិត្ត ក្នុងការផលិតវីដេអូឯកសារ និងការផលិតរឿងល្ខោនទូរទស្សន៍ទៅលើប្រធានបទសុខភាពផ្លូវភេទ និងសុខភាពបន្ដពូជ។ តើយុវជនទាំងនោះជួបការលំបាក និងទទួលជោគជ័យអ្វីខ្លះដែរ?

៤. «ជម្រើសយុវវ័យ»
ផលិតដោយ អង្គការសេវាផ្សព្វផ្សាយអប់រំសុខភាពកម្ពុជា (ឆេមស៍) ឆ្នាំ ២០០៧ រយៈពេល ១៥ នាទី ភាសាខ្មែរ មានអក្សរអង់គ្លេសរត់ពីក្រោម
នៅប្រទេសកម្ពុជា មានយុវវ័យដែលកំពុងប្រឈមមុខនឹងបញ្ហាផ្សេងៗជាច្រើនដូចជា ការឆ្លងមេរោគអេដស៍ ជំងឺកាមរោគ ការមានផ្ទៃពោះនៅវ័យក្មេង ការរំលូតកូនដោយគ្មានសុវត្ថិភាព និងការប្រើប្រាស់ថ្នាំញៀន។ ដោយកត្តាទាំងអស់នេះហើយ យុវវ័យត្រូវយល់ដឹងពីសុខភាពបន្ដពូជ ដើម្បីចៀសផុតពីបញ្ហាខាងលើ និងធ្វើការសម្រេចចិត្តឲ្យបានត្រឹមត្រូវសម្រាប់អនាគតរបស់ពួកគេ...

ទស្សនាដោយសេរី

26
October

បាត់ខ្លួន
  • 5:00 pm
  • Bophana Center
  • Cine Saturday

ផលិតដោយ ផលិតកម្មខ្មែរមេគង្គ ឆ្នាំ ២០០៩ រយៈពេល ៩៨ នាទី ភាសាខ្មែរ មានអក្សរអង់គ្លេសរត់ពីក្រោម

អ្នកផ្សាយកម្មវិធីវិទ្យុឈ្មោះ ម៉ាលី បានបង្កើតកម្មវិធីដោះស្រាយបញ្ហាផ្ទាល់ខ្លួនរបស់យុវវ័យកម្ពុជា ផ្សាយនៅរៀងរាល់រាត្រីតាមរយៈប្រព័ន្ធទូរស័ព្ទ។ ក្នុងជោគជ័យភ្លាមៗនោះ សហស្ថានិក និងជាអ្នកផលិតកម្មវិធីជាមួយនាង ត្រូវបានគេរកឃើញថាស្លាប់។ ម៉ាលី មានការភ័យខ្លាចចំពោះជីវិតរបស់នាងផ្ទាល់ដែលកំពុងស្ថិតនៅក្នុងគ្រោះថ្នាក់ សូម្បីតែនាងស្ថិតនៅក្រោមការការពាររបស់ប៉ូលិសក៏ដោយ។ ខណៈដែលការគំរាមកំហែងកើនឡើង នាងមានអារម្មណ៍ភ័យកាន់តែខ្លាំងឡើង...
តើនាងអាចរួចផុតពីគ្រោះថ្នាក់នេះ ឬ ត្រូវឃាតកចាប់ខ្លួន?

ទស្សនាដោយសេរី

ព្រឹត្តិការណ៍សំខាន់ៗ

19
October

ទំនើបនិយមនៅកម្ពុជា

  • 2:00 pm
  • Bophana Center
  • Special Screening

ខ្សែភាពយន្តចំនួនបីរឿងនឹងត្រូវបានដាក់បញ្ចាំងជូនទស្សនានៅឯមជ្ឈមណ្ឌលបុប្ផាណា ដំណាលគ្នានឹងពិព័រណ៍មួយក្រោមចំណងជើងថា "របត់បេតុង" ដែលបង្ហាញអំពីទំនើបនិយមនៅកម្ពុជា។

- ថ្ងៃសៅរ៍ ទី ១៩ ខែតុលា ឆ្នាំ ២០១៩ ម៉ោង ២ រសៀល
១. រឿង "រស់ដោយសប្បាយ"
ដឹកនាំដោយ សម្ដេច នរោត្តម សីហនុ ឆ្នាំ ១៩៦៩ ភាសាខ្មែរ មានអក្សរបារាំងរត់ពីក្រោម

- ថ្ងៃសៅរ៍ ទី ២៦ ខែតុលា ឆ្នាំ ២០១៩ ម៉ោង ២ រសៀល
១. រឿង "ដីថ្មីផ្លូវខូច"
ដឹកនាំដោយ នាង កាវិច ឆ្នាំ ២០១៨ ភាសាខ្មែរ មានអក្សរអង់គ្លេសរត់ពីក្រោម
២. រឿង "ជីវិតសិល្បករនៅមហោស្រពឆេះ"
ដឹកនាំដោយ ប៉ាន់ រិទ្ធី ឆ្នាំ ២០០៥ ភាសាខ្មែរ មានអក្សរអង់គ្លេសរត់ពីក្រោម

ព័ត៌មានលម្អិតអំពីពិព័រណ៍ "របត់បេតុង" សូមចូលទៅកាន់ទំព័រហ្វេសប៊ុករបស់ពិព័រណ៍ (Folding Concrete)។

24
October

ប្រជាជនខ្មែរក្នុងអន្តរកាលដ៏លំបាក

  • 8:00 am
  • Bophana Center
  • Exhibitions

ដោយលោក សេនី មង្គល, សិល្បករថតរូប

ចាប់ពីថ្ងៃទី ២៤ ខែតុលា ដល់ថ្ងៃទី ២៣ ខែវិច្ឆិកា

ដោយលោក សេនី មង្គល, សិល្បករថតរូប
រៀបចំកម្មវិធីដោយ មហោស្រពរូបថតភ្នំពេញ ២០១៩

សិល្បករថតរូប លោក សេនី មង្គល បានចាប់អារម្មណ៍ និងផ្តោតការយកចិត្តទុកដាក់ចំពោះប្រជាជនដែលរស់នៅក្នុងសម័យខ្មែរក្រហម ដោយបានថតរូបជាច្រើនស្តីពីជំរំខ្មែរក្រហម និងជំរំជនភៀសខ្លួនរបស់ជនជាតិខ្មែរក្នុងប្រទេសថៃ នារង្វង់ឆ្នាំ ១៩៨០។ សិល្បករថតរូបដែលបានស្លាប់ក្នុងអាយុ ៣៣ ឆ្នាំ នាឆ្នាំ ១៩៨៦ បានថតរូបទាំងនោះដោយខ្លួនឯងក្នុងក្តីអាណិតអាសូរ និងការលះបង់។ រូបថតទាំងនោះបានផ្លាស់ប្តូរក្នុងអំឡុងពេលដែលលក្ខខណ្ឌអភិរក្សរូបថតមិនល្អ ក៏ប៉ុន្តែ វាក៏បានបង្ហាញពីសោភណភាពចំពោះរូបភាពជាប្រវត្តិសាស្ត្រនេះជាលើកដំបូងផងដែរ។

ទស្សនាដោយសេរី

  • បណ្ណសារ​


    ផ្នែកបណ្ណសារ​ គឺជា​សសរ​គោល និង​ជាមូលហេតុ​នៃការ​បង្កើត​មជ្ឈមណ្ឌល។ ការ​ងារ​របស់​យើង​ គឺ​​រៀប​ចំ​បេតិកភណ្ឌ​ភាពយន្ត​ និង​សោតទស្សន៍​នៃ​ប្រទេស​កម្ពុជា ​តាម​រយៈ​ការ​ប្រមូល និង​ថែរក្សា។ បណ្ណសារភាពយន្ត រូបថត ខ្សែអាត់​សំឡេងទាំង​នោះ ​ប្រមូល​បាន​មក​ពី​ប្រទេស​កម្ពុជា និង​បរទេស។​

    បណ្ណសារ​
  • ការ​ផលិត


    ផ្នែក​ផលិត​របស់យើង​ គឺ​ជា​សសរ​គោល​ទីពីរនៃ​មជ្ឈមណ្ឌល​បុប្ផាណា​។ តាមរយៈការ​រួម​គ្នាធ្វើ​ការ​យ៉ាង​ជិតស្និទ្ធ​​​នៃ​ផ្នែក​ផលិត និង​ផ្នែក​បណ្ណសារ មជ្ឈមណ្ឌល​បុប្ផាណា​បានក្លាយទៅជា​ទីកន្លែង​តែមួយ​គត់​នៃ​ការ​ប្រមូលផ្ដុំ​ការ​អភិវឌ្ឍ បេតិកភណ្ឌ និង​ការច្នៃ​ប្រតិដ្ឋ​ ការផលិតភាពយន្ត និង​ប្រព័ន្ធផ្សព្វ​ផ្សាយ។

    ការ​ផលិត

ផលិតផល​

រាល់សមិទ្ធផលនៃ​ផលិត​កម្ម​របស់​យើង​ (ដូចជា សៀវ​ភៅ​ ស៊ីឌី និង​ឌីវីឌី...) ក៏ដូចជាផលិតផល​របស់​ដៃគូ​យើង​ផង​ដែរ​ មាន​លក់​នៅ​ក្នុង​ប៊ូទីក​របស់​មជ្ឈមណ្ឌល​បុប្ផាណា។

សេវាកម្ម​

ចាប់តាំងពីបើក​សម្ពោធមជ្ឈ​មណ្ឌល​បុប្ផាណា​មក យើង​​បាន​​អភិវឌ្ឍ​​សេវា​​កម្ម​​កាន់​​តែ​​ច្រើន​​ជាង​​មុន សម្រាប់​​សាធារណ​​ជន​គោល ដែល​​ពួក​​គេ​​អាច​​មក​​ទស្សនា​​តែ​ម្នាក់​​​ឯង ឬជាក្រុម ក្នុងនាមអង្គការ​​​​សង្គម​ស៊ីវិល សហ​គ្រាស ឬ​ ស្ថាប័ន​នានា​ជា​ដើម។

នេះជាគម្រោង​ដ៏ល្អ! ជា​ដំណើរ​ការ​ដ៏​ល្អ ដែល​​ទាក់​ទិន​​នឹង​​បញ្ហា​ការ​ចង​ចាំ ការ​​បង្ហាញ​​ឱ្យ​ឃើញ និង​​បាន​​ស្វែង​​យល់​​ឡើង​​វិញ​! នេះ​ជា​ឱកាស​មួយ ដែល​​បង្ហាញ​​ឲ្យ​​ឃើញ​ច្បាស់​​នា​ពេលបច្ចុប្បន្ន។​ ចំណាយ​ពេល​​នៅ​មជ្ឈ​មណ្ឌល​​បុប្ផា​ណា​ ខ្ញុំ​​មាន​​អារម្មណ៍​ថា​​​ សុបិន​នៃ​ការ​​ចង​​ចាំ​​បាន​​ចាប់​​ផ្ដើម​មាន។ តាម​​រយៈ​​បណ្ណសារ​​ជា​​សំឡេង និង​​រូប​ភាព​​ បាន​​ក្លាយ​​ទៅ​ជា​​ព្រលឹង​​នៃ​​ការ​​បង្កើត​​ឡើង​​ជា​​បន្ត​បន្ទាប់។ អរគុណ រិទ្ធី និង​​អប​អរ​សាទរអ្នក​ទាំង​អស់​គ្នា។