កម្មវិធី

ការបញ្ចំាងភាពយន្ត

29
June

ប្រទេសកម្ពុជានៅចន្លោះសង្គ្រាម និងសន្តិភាព
  • 5:00 pm
  • Bophana Center
  • Cine Saturday

ដឹកនាំដោយ ប៉ាន់ រិទ្ធី ឆ្នាំ ១៩៩១ រយៈពេល ៦៥ នាទី ភាសាខ្មែរ មានអក្សរបារាំងរត់ពីក្រោម

ភាពយន្តឯកសារនេះត្រូវបានថតក្រោយការចុះហត្ថលេខាលើកិច្ចព្រមព្រៀងទីក្រុងប៉ារីស គឺនៅពេលដែលសម្តេច នរោត្តម សីហនុ យាងនិវត្តមកប្រទេសកម្ពុជាវិញ។ ខ្សែភាពយន្តនេះនឹងនាំលោកអ្នកទៅជួបមនុស្សជាច្រើនដែលរៀបរាប់ពីប្រវត្តិដ៏កំសត់របស់ខ្លួន ក្រោយពេលចេញពីសង្រ្គាមអស់រយៈពេល ៣០ ឆ្នាំកន្លងទៅ។ រឿងដ៏ប្រទាក់គ្នាទាំងនេះបង្ហាញពីការឈឺចាប់ និងការភ័យខ្លាច ពីស្លាកស្នាមនៃរបបប្រល័យពូជសាសន៍ខ្មែរក្រហម ពីស្នាមរបួសដែលបន្សល់ទុកដោយសង្រ្គាម និងពីការរស់នៅដ៏លំបាកវេទនា។

ទស្សនាដោយសេរី

ព្រឹត្តិការណ៍សំខាន់ៗ

28
June

ជនជាតិភាគតិចក្នុងប្រទេសកម្ពុជា និងតំបន់មេគង្គ ៖ រាត្រីភាពយន្តឯកសារ និងកិច្ចសន្ទនាខ្លី

  • 5:00 pm
  • Bophana Center
  • Special Screening

រៀបចំដោយ អង្គការនារីដើម្បីសន្តិភាព, ធ្វើឡើងជាភាសាខ្មែរ ខ្មែរសុរិន្ទ និងខ្មែរក្រោម

តើអ្វីដែលធ្វើឲ្យយើងមានលក្ខណ:ពិសេស? តើអ្វីដែលផ្សារភ្ជាប់យើងក្នុងតំបន់ទន្លេមេគង្គ? ចូលរួមទាំងអស់គ្នាក្នុងការបញ្ចាំងភាពយន្ត និងកិច្ចសន្ទនា ​ដែលប្រមូលផ្តុំ​ទៅដោយជនជាតិខ្មែរកម្ពុជាក្រោមពីប្រទេសវៀតណាម​ ខ្មែរសុរិន្ទ​ និង​ខ្មែរចំណាកស្រុកពីប្រទេសថៃ ជនជាតិវៀតណាម និងចិនដែលរស់នៅប្រទេសកម្ពុជាអស់រយៈពេលជាច្រើនទសវត្សរ៍។ យើងនិយាយភាសាដូចគ្នា យើងមានទំនាក់ទំនងឆ្លងប្រទេស ប៉ុន្តែបើនិយាយពីទីតាំងភូមិសាស្ត្រ​ យើងម្នាក់ៗសុទ្ធតែជាជនជាតិភាគតិចដូចគ្នា។

តោះ​! មកចូលរួមជាមួយក្រុមរបស់យើងនៅទូទាំងតំបន់ ដែលបានបង្កើតភាពយន្តឯកសារខ្លី​ៗ​ដែលបង្ហាញពីរឿងរ៉ាវជីវិតពិតប្រាកដរបស់សហគមន៍​ និងមកជួបជុំគ្នាពិភាក្សាអំពីបទពិសោធន៍ទាំងនោះ។

ការចាក់បញ្ចាំង និងកិច្ចពិភាក្សានេះនឹងធ្វើឡើងជាភាសាខ្មែរ ភាសាខ្មែរសុរិន្ទ និងភាសាខ្មែរក្រោម។

ចូលរួមដោយសេរី

3
June

ពិព័រណ៍គំនូរ និងចម្លាក់ “ជីវិតនៃធម្មជាតិ”

  • 6:00 pm
  • Bophana Center
  • Exhibitions

ដោយលោក ចាន់ សោភ័ន សាស្ត្រាចារ្យនៅសាកលវិទ្យាល័យភូមិន្ទវិចិត្រសិល្បៈ

ចាប់ពីថ្ងៃទី ៣ ខែមិថុនា ដល់ថ្ងៃទី ២៩ ខែមិថុនា
សម្ពោធពិព័រណ៍នៅថ្ងៃទី ៣ ខែមិថុនា ឆ្នាំ ២០១៩ វេលាម៉ោង ៦ ល្ងាច

ពិព័រណ៍នេះចង់បង្ហាញពីសារៈសំខាន់ និងតម្លៃដែលមិនអាចកាត់ថ្លៃបាននៃធម្មជាតិ សម្រាប់គ្រប់ជីវិតនៅលើភពផែនដី។ ជីវិតសត្វលោកត្រូវតែមានទំនាក់ទំនងជាដាច់ខាតជាមួយនឹងធម្មជាតិ មិនអាចខ្វះបានឡើយ។

ប៉ុន្តែបើមនុស្សលោកទាញយកផលប្រយោជន៍ ឬកេងចំណេញពីធម្មជាតិច្រើនហួសហេតុពេក ដោយគ្មានការត្រិះរិះពិចារណាទេនោះ ច្បាស់ណាស់ ធម្មជាតិនឹងតតាំង ឬតបស្នងជាផលកម្មមកលើមនុស្សលោកវិញជាក់ជាមិនខាន ពោលគឺសងមួយទៅជាមួយលានដង។

«សូមរួមគ្នាជួយថែរក្សាបរិស្ថានធម្មជាតិនៅលើភពផែនដីនេះឲ្យបានគង់វង្ស ដើម្បីជីវិតរស់នៅរបស់សត្វលោក។»

ទស្សនាដោយសេរី

  • បណ្ណសារ​


    ផ្នែកបណ្ណសារ​ គឺជា​សសរ​គោល និង​ជាមូលហេតុ​នៃការ​បង្កើត​មជ្ឈមណ្ឌល។ ការ​ងារ​របស់​យើង​ គឺ​​រៀប​ចំ​បេតិកភណ្ឌ​ភាពយន្ត​ និង​សោតទស្សន៍​នៃ​ប្រទេស​កម្ពុជា ​តាម​រយៈ​ការ​ប្រមូល និង​ថែរក្សា។ បណ្ណសារភាពយន្ត រូបថត ខ្សែអាត់​សំឡេងទាំង​នោះ ​ប្រមូល​បាន​មក​ពី​ប្រទេស​កម្ពុជា និង​បរទេស។​

    បណ្ណសារ​
  • ការ​ផលិត


    ផ្នែក​ផលិត​របស់យើង​ គឺ​ជា​សសរ​គោល​ទីពីរនៃ​មជ្ឈមណ្ឌល​បុប្ផាណា​។ តាមរយៈការ​រួម​គ្នាធ្វើ​ការ​យ៉ាង​ជិតស្និទ្ធ​​​នៃ​ផ្នែក​ផលិត និង​ផ្នែក​បណ្ណសារ មជ្ឈមណ្ឌល​បុប្ផាណា​បានក្លាយទៅជា​ទីកន្លែង​តែមួយ​គត់​នៃ​ការ​ប្រមូលផ្ដុំ​ការ​អភិវឌ្ឍ បេតិកភណ្ឌ និង​ការច្នៃ​ប្រតិដ្ឋ​ ការផលិតភាពយន្ត និង​ប្រព័ន្ធផ្សព្វ​ផ្សាយ។

    ការ​ផលិត

ផលិតផល​

រាល់សមិទ្ធផលនៃ​ផលិត​កម្ម​របស់​យើង​ (ដូចជា សៀវ​ភៅ​ ស៊ីឌី និង​ឌីវីឌី...) ក៏ដូចជាផលិតផល​របស់​ដៃគូ​យើង​ផង​ដែរ​ មាន​លក់​នៅ​ក្នុង​ប៊ូទីក​របស់​មជ្ឈមណ្ឌល​បុប្ផាណា។

សេវាកម្ម​

ចាប់តាំងពីបើក​សម្ពោធមជ្ឈ​មណ្ឌល​បុប្ផាណា​មក យើង​​បាន​​អភិវឌ្ឍ​​សេវា​​កម្ម​​កាន់​​តែ​​ច្រើន​​ជាង​​មុន សម្រាប់​​សាធារណ​​ជន​គោល ដែល​​ពួក​​គេ​​អាច​​មក​​ទស្សនា​​តែ​ម្នាក់​​​ឯង ឬជាក្រុម ក្នុងនាមអង្គការ​​​​សង្គម​ស៊ីវិល សហ​គ្រាស ឬ​ ស្ថាប័ន​នានា​ជា​ដើម។

នេះជាគម្រោង​ដ៏ល្អ! ជា​ដំណើរ​ការ​ដ៏​ល្អ ដែល​​ទាក់​ទិន​​នឹង​​បញ្ហា​ការ​ចង​ចាំ ការ​​បង្ហាញ​​ឱ្យ​ឃើញ និង​​បាន​​ស្វែង​​យល់​​ឡើង​​វិញ​! នេះ​ជា​ឱកាស​មួយ ដែល​​បង្ហាញ​​ឲ្យ​​ឃើញ​ច្បាស់​​នា​ពេលបច្ចុប្បន្ន។​ ចំណាយ​ពេល​​នៅ​មជ្ឈ​មណ្ឌល​​បុប្ផា​ណា​ ខ្ញុំ​​មាន​​អារម្មណ៍​ថា​​​ សុបិន​នៃ​ការ​​ចង​​ចាំ​​បាន​​ចាប់​​ផ្ដើម​មាន។ តាម​​រយៈ​​បណ្ណសារ​​ជា​​សំឡេង និង​​រូប​ភាព​​ បាន​​ក្លាយ​​ទៅ​ជា​​ព្រលឹង​​នៃ​​ការ​​បង្កើត​​ឡើង​​ជា​​បន្ត​បន្ទាប់។ អរគុណ រិទ្ធី និង​​អប​អរ​សាទរអ្នក​ទាំង​អស់​គ្នា។